Gênesis 22:20 - Bíblia

²⁰ Waneya xyekaka ptowruka hiknohinixka runkakluna Abraão wla htshinruna: — Milca hiwuhenewjetatkalu pimole Naor jejinni.

Gênesis 22:20 ပူးပေါင်းရင်းမြစ်များ

Gênesis 11:26

Riwekatka Terá setenta mhale waneya hwuhenetna Abrão, Naor, Harã.

Gênesis 11:27

Xyeni Terá klopichane piranapni: Terá wuhenetlu Abrão, Naor, Harã. Waneya Harã wuhenetlu Ló.

Gênesis 11:29

Abrão hanunrowata, Naor koxa hanunrowata; Abrão hnunro Sarai tshinkaluro, Naor hnunro Milca tshinkaluro, Milca hirni Harã tshinkaluru; Harã wuhenetna Milca, Iscá tshinkaluro.

Gênesis 15:1

Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 22:21

Mitshikananu matutatshri Uz tshinkaluru. Walestsi hajeru Buz tshinkaluru waneya Quemuel tshinkaluru matutatka Arã hiru.

Gênesis 24:10

Waneya towrertshi hwaplu dez camelo htowutjeru prane hiyrun-koxa rutsrukate hejnunkate kihlekakalu ranikamta klu tshinanu walekni rutsrukate hejnunkate ptowruka towutatshri. Waneya hyatka Mesopotâmia tshijne Naor hwiywaka poktshi nwaka hyatka.

Gênesis 24:15

Waneya hi rutuka yanumletawa, Rebeca tshinkaluro Betuel tshinkaluru hchitsho Milca tshinkaluro Naor-yma himekahyona Abraão mole mekahyo wane tyapamta hachhaji tuthanamta.

Gênesis 24:24

Waneya tuhitlu wla ttshinru: — Betuel tshinkaluru whenno, Milca tshinkaluro whene Naor-yma.

Gênesis 31:53

Abraão-ni Hoyakalute hiyrun-koxa Naor-ni Hoyakalute wanna hirni Hoyakalute hetahchinikanyehitwu pixa hiyrunu hita. Hiyáhoni Jacó htshinkajyawakna rikamhakakna ruru Isaque hkahwakpiraxyawaka tshinanu.