Gênesis 22:18 - Bíblia

¹⁸ Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 22:18 ပူးပေါင်းရင်းမြစ်များ

Gênesis 12:2

Pixa nkamhinri hixo pixyawakapa. Nuhlehchinikanutanyi pixa hiyrunu pixa npohiwahiwakkakanyi Abrão. Pixa tshinanu pimrine hihlehchinikanutko.

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Gênesis 18:19

Klu tshinanu nnuretlu wale hiwhenene ruykoxyawaka hiyrun-koxa nuretlu walepji hajene hinatshripa ruykoxyawakapa Tsru Hixikatshriwa Hoyakalu hatnu hapote romkahixyawakapna, potukalune hiyrunu himata yanatshine htshinkona. Wane hixkalunepni Tsru Hixikatshriwa Hoyakalu himukata hakanhakakletlu ptowru pirana potuko htshinakanaxyawaklu Abraão.

Gênesis 22:10

Waneya hyosurukkanotatka Abraão, peixeira hkochtsheka ruylaxyawakaplu hituru.

Gênesis 22:3

Waneya wale prika yetshpotukawa ruptekatka Abraão. Hiprane jumento-ne ralpokotatka. Ranikamtna waleyma hepi htowrene hiyrun-koxa hituru Isaque. Rali hitshimletatka hpoyahtapyawaka mukata hjimlewaxinripa hyatka. Abraão yanwakatlu Hoyakalu tshinyawaklu mriji nwaka.

Gênesis 28:14

Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.

Mateus 1:1

Twu hinkakletlu Jesus Cristo hitsrukatene. Jesus Cristo, Davi whene, Davi, Abraão whene.

Atos 3:25

Hipirana psoluka Hoyakalu hinkaklexyana Hoyakalu tokanu hinkakletatshine hix-koxa runkaklexyatkalu. Hix-koxa hkojireta Hoyakalu, Hoyakalu hkojirexinnina hixa hitsrukatenni wane htshinniru Abraão-ni: “Ptowru tshijne hajene hihlewahchinikanyehitko piklopichane tshinanu.”

Romanos 1:3

Xye yonatkaluru hinkakletlu Wutsrukate, Jesus Cristo, Hoyakalu whene. Himane Davi klopichani.

Gálatas 3:16

Hoyakalu hinkakle pirana, Abraão hiyrunu Abraão klopichane tshinanu runkakletlu Hoyakalu. Halikaka tokantshi yonatkaluru wan-tshina hi hiklopichane tshinanni htshina, hi hixolune hkochtsheka seyni hiklopicha htshina satupka hkochtsheka. Piklopicha tshinanni htshina. Waleni Cristo.

Gálatas 3:18

Klu tshinanu wyoptotanrupa Hoyakaluya, Moisés yonreru tshinanu wyoptotkamkalu, hiyáhoni hi Hoyakalu hinkakletlerumka wyoptoxinri. Seyni Abraão yoptoleru Hoyakalu henekachale.

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.