Gênesis 22:17 - Bíblia

¹⁷ Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.

Gênesis 22:17 ပူးပေါင်းရင်းမြစ်များ

Gênesis 12:2

Pixa nkamhinri hixo pixyawakapa. Nuhlehchinikanutanyi pixa hiyrunu pixa npohiwahiwakkakanyi Abrão. Pixa tshinanu pimrine hihlehchinikanutko.

Gênesis 13:16

Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.

Gênesis 15:5

Waneya maleka raniklu Tsru Hixikatshriwa Hoyakalu Abrão waneya wane htshinru: — Teno pyihatanu, putakyahokanro katahirine, pumukata hitakyahoklexiniplo putakyahokanro. Waneya Hoyakalu wan-tshinru: — Katahiri pejnuplu piklopichane.

Gênesis 17:6

Nkamhanyi pixolewniywakapa, pix-yehi ruchpajinna hixonerune hiyrunu pix-yehi ruchpajinna phurune.

Gênesis 24:60

Kihlewaka htshinanwakaxyawaklona wla htshinatkalona: “Pixni wimole suxyi hiyáhoni xawakni hixolune potu hakanhakakatshropyi, yinepa hixo mil kata mil hakanhakakatshropyi. Hiyrun-koxa pkamnitjenemka htowutanna piklopichanepa!” — htshinrona.

Gênesis 25:11

Rali hipnaletanatka Abraão-ni Hoyakalu kihlewaka htshinru Isaque, Abraão-ni whene. Isaque Beer-Laai-Roi tshinikowakastsi hwatka.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 26:4

Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 28:4

Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.

Gênesis 32:12

Seyni mitshi pixa wan-tshinno: “Kihlewaka nkamhinyi. Ksatuji mar powha hwatshri pejnu pixka nixkakanyi, ptshinno mitshi hixolunpotpakyi mpoyaho hitakyahoklexikowakanu pejnupyi.”

Gênesis 32:13

Waneya waneko rawatka wale yetshno. Waneya rimwaleru hkanipretatka henekachalu himole Esaú tshinanupa.

Romanos 4:13

Hoyakalu hinkaklexyalu Abraão hiyrunu hiklopichane xye tshiji psoluka renejyawakapna. Hoyakalu hinkaklexyalu Abraão, hi Moisés yonreru romkahixyawakatka tshinanni seyni Hoyakalu potukaxyawaklu Abraão ralixle tshinanni.

Romanos 9:27

Hiyrunu Isaías-ni wla tshinanwakatna israel-nerune, hipokananu wane htshina: “Yáholu hixpotpakhi, ksatuji mar powha hwatshri pejnuphi seyni satkaka tsonu hiwekkakko.

1 Coríntios 15:57

Seyni Hoyakalu wimalwutanu, wale honukla ptowru potuko wiknohkakjeru Wutsrukate Jesus Cristo tshinanu!

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Hebreus 11:12

Hiyáhoni Abraão tsonu mwuhenetuko hipnahotkaluru tshinanu, yine mlejikananu hakanhiylu katahiri tenhohne hajene pejnu hiyrunu ksatuji mar powha wnahlu hajeru mpoyaho hitakyahokletkotu pejnu.

Hebreus 6:14

Wla htshininniri mitshi Abraão-ni: “Nunkaklexyayi halikaka nuhlewahchinikanyehitanyi hiyrun-koxa nixolewnakakpotutanyi.”

Apocalipse 11:15

Waneya hiwejikaluru Hoyakalu towreru tenhohne hajeru sete rixinri kowitatka. Waneya tsru himkaka hjemka tenhohneya wla tshinatshri: — Xye tshiji hajeru pohirtshikaka Wutsrukate Hoyakalunpatka hiyrunu hnurreru Cristo-npatkani. Hiyrunu wale pohirewahohnekanatanu hike rixiniko mnikawnakatupa.