Gênesis 21:23 - Bíblia

²³ Hiyáhoni xawakni wane ntshinanyi hikeklu hohne pkamnitanno hita, hi noturuko pkamnitanu, hi hiklopichaneko pkamnitanu. Hike nma mixjekanaxyawakanyi pixka pixanno hita hewi pwajekanatka pchinika pixka pixanno hita. Hiyrun-koxa wane pixanru xye tshijne pwiywakatka.

Gênesis 21:23 ပူးပေါင်းရင်းမြစ်များ

Gênesis 20:14

Waneya Abimeleque carneiro-ne hwapa, boi-ne rawapa, towrertshine rawapa, towretshrone rawapa waneya Abraão reneklu. Hiyrun-koxa hhanunro Sara hsatkajyatkalu.

Gênesis 21:24

Waneya Abraão wla tshinru: — Haté hehe wane ntshinanyi.

Gênesis 24:3

Ptshinanno Tsru Hixikatshriwa Hoyakalu tshiji Hoyakalute, tenhohne Hoyakalute koxa hiwakaya hi xako pwapanro suxo hewi canaã-nerune nero whene nwatkalrene whene hhanunroxyawakaplo, noturu Isaque.

Gênesis 26:28

Waneya wla htshinruna: — Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”

Gênesis 31:44

Hiyáhoni xawakni wtshinkakanu pixa, hitayma. Xye wtshinkajyawakapa walepni satu wimetjeru pixa, hitayma.

Gênesis 31:53

Abraão-ni Hoyakalute hiyrun-koxa Naor-ni Hoyakalute wanna hirni Hoyakalute hetahchinikanyehitwu pixa hiyrunu hita. Hiyáhoni Jacó htshinkajyawakna rikamhakakna ruru Isaque hkahwakpiraxyawaka tshinanu.

Gênesis 39:3

Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.

Gênesis 47:31

Seyni Jacó wla tshinru: — Ptshinanno pixyawakapno. Waneya José hinkaklu rixyawakaplu pa hohne. Waneya Israel yonohita rukoluhawakleya.

2 Coríntios 1:23

Hoyakalu hiwaka nkochtsheka ruphujexyawakaplu nohchinikanu, wale honra himatahchinikanutno. Hixa hma salewnahchinikanuxyawakanupa tshinanu hi Corinto poktshi nyapamtawa hiyrunukotnaka.

Hebreus 6:16

Klu tshinanu yine hasruhlu wanna pnute himukatatshri hiwaka hkochtshejyawakna ralixpotuxikolupa runkakle piranna. Hiyrun-koxa runkaklexyahi tshinanu hnikatko hikoluklewatatshri.