22 Waneklu papko potuko Abimeleque tshinkaluru h-soldado-tene chefe-te Ficol tshinkaluruyma hiynumatlu Abraão waneya wla htshinru: — Hoyakalu honra pixayma ptowruko pkamhaleru tshinanu.
Waneya Abimeleque carneiro-ne hwapa, boi-ne rawapa, towrertshine rawapa, towretshrone rawapa waneya Abraão reneklu. Hiyrun-koxa hhanunro Sara hsatkajyatkalu.
Waneyakni Abraão hanjitlu Hoyakalu Abimeleque tshinanu. Hiyahokni Hoyakalu hitskalakatkalu Abimeleque, hhanunro rutskalakatka hiyrun-koxa htowrerone rutskalakatka. Hiyáhoni hwuhenewatatnakna suxone.
Waneya Abraão wan-tshinyehitlo hhanunro Sara: — Walani nomole suxo. Hiyáhoni Abimeleque, Gerar tshinikowaka pohire hwapjixatkalo Sara.
Waneya Abimeleque yanwakatlu, Gerar tshinikowaka ruchpajya. Waleymalutu rimatletleru Ausate, Ficol tshinkaluru soldado-tene chefe-te wan-ya.
Waneya wla htshinruna: — Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”
Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.
Seyni Labão wla tshinru: — Hitshi, nanjityi kihleru paluka hixlexinipno hi pyanutka klu tshinanu netlu hanu rixa hepixletno Tsru Hixikatshriwa Hoyakalu pixa tshinanu.
Waneya wla htshinatkana: — Nethojitlu puru. Hi kihle hchinikanru hita tshinanu, hi mitshikananu pixka rixa hichinikletno. Seyni nuru Hoyakalute hitaymalu.
“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)
Hiyáhoni hanhe wtshina xye chinikantshi tshinanu? Hoyakalu hixa sreta hwini, kathe xawaka himukata kamniretwu?
Hihchinikanu hichinikanretlerkaka yohimatkaluru ruphujetko. Waneya ruphamtanu Hoyakalu hetanuya, rimalwutanru Hoyakalu. Waneya wane htshinanu: “Halikakni hix-yehi rawa Hoyakalu.”
Hi tiyiro halukpotukanatatshinephi. Kihle hchinikanurunephi hejnu himwaleru tshinanu. Klu tshinanu Hoyakalu wla htshina: “Hikeklu nuchotanhi hikeklu nuknokanhi.”
Hetanu! Tsru kamtshi Satanás hapatjeyehitatshine, judeu-ne tshinikatshinwa phuta seyni hweyawatna. Wanna halikaka hixa jixistsi nyoptsojitjixapinna, rimathexyawakapna nuchinikjethi.