Gênesis 21:14 - Bíblia

¹⁴ Waneya Abraão yetshpotukawa ruptekatka. Pão hiyrun-koxa honha kastonolu honha hwatshri hkochtsheka, wale reneklo Agar. Xyekaka wala rutjikakatka, mturu reneklo waneya hyokanatlo tyiywakapa. Hiyáhoni tyatka mayinerewakanu, popriwaka Berseba tshinikowaka tyotaljechaxyatka.

Gênesis 21:14 ပူးပေါင်းရင်းမြစ်များ

Gênesis 16:7

Waneya rukchijinixkalo Tsru Hixikatshriwa Hoyakalu towreru tenhohne hajeru Hagar, satu hakopha popriwaka tshijne hajeru hakophastsi twakanata. Xye hakopha Sur poktshistsi yaphapotatshristsi rawa.

Gênesis 19:27

Waneya Abraão yetshpotukawa ruptekatka. Tsru Hixikatshriwa Hoyakaluyma hyopkakakanaxyawaka nwaka hyatnaka. Wane hyopkakatnaka.

Gênesis 21:13

Seyni towretshro whene koxa pa neru nixkakanru klu tshinanu wale honra pixa whenni.

Gênesis 21:15

Waneya hnikaxinixkaluna ronnehna kastonolu hwatshri Agar kaptsheru chehi hmana tutakamtlu mturu.

Gênesis 21:31

Wale tshinanu Berseba rutakhiwakatlu klu tshinanu pa hchinikanurutu rimixatkaluna wale hakopha.

Gênesis 21:33

Waneya Abraão satu tamargueira ptshe rutaklu Berseba tshinikowaka. Wanekni rapohchinikanuxyalu Tsru Hixikatshriwa Hoyakalu hike rixiniko mnikawnakatupa.

Gênesis 22:19

Waneya Abraão satokanwakatna htowrene yehi waneya ptowruneko satokatka Berseba nwaka rawjexyawaka. Waneko rutukatka Abraão.

Gênesis 22:3

Waneya wale prika yetshpotukawa ruptekatka Abraão. Hiprane jumento-ne ralpokotatka. Ranikamtna waleyma hepi htowrene hiyrun-koxa hituru Isaque. Rali hitshimletatka hpoyahtapyawaka mukata hjimlewaxinripa hyatka. Abraão yanwakatlu Hoyakalu tshinyawaklu mriji nwaka.

Gênesis 24:54

Waneya hnikatka, ruratka wale hiyrun-koxa waleymalune ptowruneka nikatka, ruratkana. Ruknohkakluna wale yetshno waneya wale prika ruptekatkana waneya wla htshinatka: — Pitshitanno nyiywakapa ntowutjeru nwaka.

Gênesis 25:6

Wanepnawaka Abraão hiwuhenewachalero whenene henekachalkaka tsonu renekatkana Abraão. Waneya riweka pchinikawa Abraão hyokanatna tkatshi hichpajyawaka sreta nwaka hyiywakapna hiwhene Isaque-stsi hma mwiywakanupna.

Gênesis 26:31

Waneya wale prika, yetshpotukawa ruptekna, kihle hwachalu runkakkakna. Waneya Isaque yokanatna hyiywakna hiyáhoni kihle hchinikanurune ruchpajyatkana Isaque yehiya.

Gênesis 26:33

Hiyáhoni Seba htshinahiwakatluna. Wale tshinanu Berseba htshinka wale poktshi haté xawakni.

Gênesis 28:18

Waneya wale prika yetshpotukawa Jacó yotunotatka. Sotlu hyostanojrekananu hkachitatka hyotupaklu. Waneya azeite-ha ruyokhohotlu.

Gênesis 37:15

Himolene rujhajeta José campo-ya waneya satu jeji yoptotlu José hiyáhoni repomhalu, wla htshinru: — Klunerhe pujha?

Gênesis 46:1

Waneya Israel wane hichpajyatka, hyatka rimwaleru ymakananuko. Waneya Berseba rapokatka. Waneya waneko henekachalkaka renejyalu rurni Isaque-ni Hoyakalute.

João 8:35

Hiyrun-koxa towrertshi hi ptowru hohneruka himolene yehi rawa. Seyni wanepnawaka whentshi himolene sreta hajerukni.