Gênesis 20:7 - Bíblia

⁷ Hiyáhoni psatkakanro thanuru nwaka klu tshinanu thanuru honukla Hoyakalu tokanu hinkakletatshrini. Ranjihohneyehitanyi piwejyawakapa. Seyni pma satkakkanuklunuplo pimatanu pupnanuna pixa hiyrun-koxa ptowruneka pimwalene hipnanuna.

Gênesis 20:7 ပူးပေါင်းရင်းမြစ်များ

Gênesis 12:15

Waneya rexinixkalona Sarai Faraó yehi towrerune runkakluna Faraó kihle potuklo Sarai htshinruna; waneya ranikatkalona Sarai Faraó yehi twiywakpatka.

Gênesis 12:17

Seyni Tsru Hixikatshriwa Hoyakalu (Teno Hajeru) hapnokatlu Faraó rayinetene koxa. Tsru hahijewaktshiyma rapnokaxyana Sarai Abrão hnunro tshinanu.

Gênesis 2:17

seyni hahmuna pimaxyawakaplu kihleru, hektutu hiwakatletatshri sahi hi pnikanu klu tshinanu pnijinihohneplu pimatanu pupnanutka.

Gênesis 20:18

Klu tshinanu Hoyakalu hi wuhenewakakatkana Abimeleque-pji hajene ptowruneka Sara hikolukle tshinanu.

Gênesis 20:3

Seyni Hoyakalu yanwakatlu Abimeleque rupnawleya waneya wla htshinru: — Pixa halikaka hipnatshripyi klu tshinanu suxo pwapjixlero wala honukla khanururo.

Gênesis 20:8

Hiyáhoni yetshpotukawa ruptekatka Abimeleque. Htowrene ptowruneka repukatka. Xye pirana runkakatkana. Hpikpotutatkana.

Gênesis 23:6

— Ha wutsrukate pjemanwu hixa. Pixa honukla tsrukakalyi Hoyakalu yehiya hixa hetanuya. Hiyáhoni pixako nuretanru hanukta paluka hitakletanru phanunroni pkapnaxyawaklo yomle. Hi satuknakwu hixa tshipexinyi yomletshi putakpiraxyawaka pkapnaxyawakanaplo phanunroni.

Atos 8:24

Waneya Simão wan-tshinna Pedro, João: — Tsru Hixikatshriwa Hoyakalu hanjiyehitanno hixa xye ptowruka htshinyawaka hma makanhayehixyawakanupno.

1 Coríntios 14:4

Pa nru yanumaxikatshri, Hoyakalu Hiwejikaluru pixkonu tshinanu wale nanwaka htseruwakahchinikanuxnawa. Seyni Hoyakalu tokanu hinkakletatshri htseruwakahchinikanutna Cristo halixatshine hapatjetatshine.

Hebreus 1:1

Mitshikawa Hoyakalu hixo kata hiynumatnina judeu hitsrukatenni hiyrun-koxa kakoje hiphujewnale rixa hiynumsaletnina judeu hitsrukatenni Hoyakalu tokanu hinkakletatshinniya.

Hebreus 13:4

Ptowruneka hetanu hnunrowlu kihleruni, meyikotni. Hi hma hnunrotanuto, hi hma hnurutanutu hapokletanu. Klu tshinanu hektutu kamhatshine hiyrunu hapoklewatatshine rukolujinwana Hoyakalu hetanu.

1 João 5:16

Satu yineru hexiniplu Cristo tshinanu hmoletanru hektuwaka hkamhiywaka, seyni hektuwaka mamha menu hkamhini, Hoyakalu ranjitanu riwekkajyawakaplu. Xye ntshinreru hektuntshi hipuktshi meneklewatkatu. Seyni rawa satu hektuntshi hipuktshi heneklewatatshri. Hi xye pixkalutu tshinanu, nanjihohnekjixa.