Gênesis 2:7 - Bíblia

⁷ Waneya Tsru Hixikatshriwa Hoyakalu kajpapahi kamhiylu jeji waneya jeji jripna rajpoka Hoyakalu hinnipha, rinniphakajyalu riwejinri hiyahokni jeji yinuwakatka riwejyawaka.

Gênesis 2:7 ပူးပေါင်းရင်းမြစ်များ

Gênesis 1:27

Hiyáhoni Hoyakalu kamhalu yineru waleko hyáholuya. Wanna hkamha jeji, suxo.

Gênesis 2:6

Seyni yatsinu tshiji tshikle hakanha hiyáhoni ruhakatkalu tshiji psoluka.

Gênesis 3:19

Hiyáhoni pihoji ruchpajini puhkokha pnikleru pkochpajyawakapa haté pupnanu psatkapanu tshiji klu tshinanu tshiji kamhikolyi. Kajpapahyi, kajpa pahiko pixinixnakwa.

Gênesis 3:23

Wale tshinanu Tsru Hixikatshriwa Hoyakalu hiknokatkalu jeji hitaklu hwiywaka Éden tshinikowaka hma wiywakanpatka hiyáhoni hkamhikoluko tshiji hjitota Adão rutaklewaxyawakapa.

Gênesis 7:22

Ptowru hixatshri hinnipha hiwejikatshri hijripnaya, tshiji popriwaka yapjekanatatshrini hipnanatka.

João 20:22

Waneya wane htshininixka, rajpokanwakatna waneya wla htshinna: — Hyoptotanru Hoyakalu Hiwejikaluru.

Atos 17:25

Xye Hoyakalu honra yine hiwejinri heneklewatatshri, hinnipha heneklewatatshri hiyrunu yine halukleru heneklewatatshri. Hi rujhalu repixikowaka yineya. Rimwalu ptowru rujhaleru.

Romanos 9:20

Seyni pixa yineruchayi. Hanhe xawaka pixa kahekletlu Hoyakalu? Hachhaji kamhakaluru hi kaheklu hkamhakjeru wane htshinyawaka: Klu tshinanhe wane pixa kamhaletno? hi htshina.

1 Coríntios 15:45

Wane htshina Hoyakalu tokanu yonatkaluru: “Hoyakalu hiyakotlu Adão waleni mitshikananu yineru mantshi hiwekatshri rixyawakapa.” Seyni hapkatatatshri Adão waleni hiwejikaluru hiwekkaklewatatshrini.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

2 Coríntios 4:7

Seyni hixa xye halukkaluru tenhohne hichpajikatshri himwatshinwu kajpa kamhikolu stono pixka hixatshinwu. Wane wixa rimaxikowaka tsru pixkontshi hi hixanni Hoyakalunni.

2 Coríntios 5:1

Klu tshinanu hewi tshiji wwaka pchinika wimankaka himajetshrikaka pixka hixatshrini. Seyni wimatlu xye wimajeru pixkalutu nikatkoklunupa wenekko pantshi Hoyakalu kamhaleru. Hi yinemyo kamhapjitanruni seyni wale hikeklu hohne mnikawnakatupni tenhohne hajerupjini.

1 Timóteo 2:13

Klu tshinanu Adão mitshikananhapka hiyakotka waneya Eva hiyakotka.

Hebreus 12:9

Klu tshinanu wuru saletkoxwu seyni wanepnawaka wkahwakpiratatkalu. Hiyáhoni wane yohnik-wixa yijnak-tokanretanru Wuru Hoyakalu hiwejikalune kamhatshri, wiwejyawakapa.