Gênesis 2:17 - Bíblia

¹⁷ seyni hahmuna pimaxyawakaplu kihleru, hektutu hiwakatletatshri sahi hi pnikanu klu tshinanu pnijinihohneplu pimatanu pupnanutka.

Gênesis 2:17 ပူးပေါင်းရင်းမြစ်များ

Gênesis 2:9

Hoyakalu wan-hixkaklu ptowru hixatshri hahmuna kihleru sahiwhihlenutatshri hitaklucha hiptshejyawaka. Hitaklucha hanikajite rawa hahmuna hiwejikaluru heneklewatatshri hiwakatletatshri. Wanekoxlu satu hahmuna himaxyawakaplu kihleru hektut-koxa hiwakatletatshri.

Gênesis 20:7

Hiyáhoni psatkakanro thanuru nwaka klu tshinanu thanuru honukla Hoyakalu tokanu hinkakletatshrini. Ranjihohneyehitanyi piwejyawakapa. Seyni pma satkakkanuklunuplo pimatanu pupnanuna pixa hiyrun-koxa ptowruneka pimwalene hipnanuna.

Gênesis 3:11

Waneya repomhalu Hoyakalu: — Ha hanu hixa himatletlu machkopiru hixyawaka? Hnikatkalhe hahmuna sahi nmitshiniklexyahi?

Gênesis 3:17

Waneya Hoyakalu wan-tshinru Adão: — Pixa niklu hejnuji wane ntshinyi hi pnikanru seyni pyijnaktokanutlo phanunro. Hiyáhoni hektutkalu tshiji pixa tshinanu, tsru kamrurtshi potuko pkamhinri pnijinri, ptowru hohneruko piwekka pchinika.

Gênesis 3:19

Hiyáhoni pihoji ruchpajini puhkokha pnikleru pkochpajyawakapa haté pupnanu psatkapanu tshiji klu tshinanu tshiji kamhikolyi. Kajpapahyi, kajpa pahiko pixinixnakwa.

Romanos 1:32

Hiyrunu rimatjemmakluna Hoyakalu hitakanru, ptowru pejnu wan-hixkalune hijhalu rupninripna, wanepnawaka wan-rixjetna seyni hi wane tsonu rixjetna; rukchikhihlenutluna haté pimrin-koxa wan-hixatshine.

Romanos 6:16

Hixa himatlu katukta henejinwa towrertshi rixikowaka rujhalu hyijnakoxyawaklu htowutjeru. Hiyáhoni hixa hijhalu hkamhiywaklu htowutjeru towuxyahi. Hektuntshi towuxinhi hipuktshi hkayatanu seyni kajnako hixini Hoyakaluya, hiyáhoni hihletko Hoyakaluya.

Romanos 6:23

Klu tshinanu hektuntshi wenru walekni hipuktshi. Seyni Hoyakalu henekachale hiwekluni hikeklu hohne mnikawnakatupa Wutsrukate, Jesus Cristo-ya.

Romanos 8:2

Hiwejikaluru hiykole Cristo Jesus tshinanuya, hiwekkaklewatatshri kochpakno hektuntshi towre pixkonuya hiyrunu hipuktshi heneklewatatshri pixkonuy-koxa.

1 Coríntios 15:22

Hiyáhoni Adão tshinanu ptowru neruka hipnanu. Waney-koxa Cristo tshinanu ptowru neruka hiwekkakko.

1 Coríntios 15:56

Hipuktshi mixkowkakatshrini hektuntshi. Hiyrun-koxa hektuntshi mixkowkakatshrini yonruru pirana.”

Gálatas 3:10

Moisés yonreru pirana homkahlu munanhatshine wannakni Hoyakalu kamakatanunepa. Klu tshinanu wane htshina halikaka tokantshi yonatkaluru: “Ptowruneka katuktako hi homkahitlu ptowru potuko yonruru pirana hajeru, wanna Hoyakalu kamaklewle hwatshinni.”

Efésios 5:14

Klu tshinanu ptowru potuko hiphujetkalurni katawakaya. Hiyáhoni mitshikawlur-pirana wan-tshina: “Pixa himkatshriyi, puyokanu xako! Hipnatshri yehi puchpajinixka, Cristo Katalu nikotyehitanyi.”

Colossenses 2:13

Hixa hipnakanatatshinhi hixa hektunu tshinanu hiyrunu mjiprojhakanhi Cristo-yma hiwekkakalunhi. Hoyakalu hamtakahchinikanyehixyatkahi hixa hektunu ptowruka.

1 Timóteo 5:6

Seyni tiwekka pchinika poyikowlu tsonu tomkahixini hipnatshro pixkalutotkani.

Tiago 1:15

Waneya ret-sotanukanatanru rujhiniklunupa rakanhakakanru hektuntshi. Hektuntshi hali hakanhalexinixka hipuktshi hwanutka.

1 João 5:16

Satu yineru hexiniplu Cristo tshinanu hmoletanru hektuwaka hkamhiywaka, seyni hektuwaka mamha menu hkamhini, Hoyakalu ranjitanu riwekkajyawakaplu. Xye ntshinreru hektuntshi hipuktshi meneklewatkatu. Seyni rawa satu hektuntshi hipuktshi heneklewatatshri. Hi xye pixkalutu tshinanu, nanjihohnekjixa.

Apocalipse 2:11

Kajnakopnahi hyijnakoxyawakapa, hyijnakotanru Hoyakalu Hiwejikaluru tshinyawakna Cristo halixatshine hapatjexikowakkaka hajene: Hallirewatatshri hi hetanru hepi rixinri hipuktshi.”

Apocalipse 20:14

Waneya hipuktshi hiyrunu hamhikowaka hwakanatatshine tshitshmero powha yehi hiknokkana. Xyekni hipuktshi hepi rixinri pirana.

Apocalipse 20:6

Kihle hchinikanurunepni hiyrunu Hoyakalununepni wanna mitshikananu hiweklutnaka kayatatshinepa. Klu tshinanu hipuktshi, hepi rixinri hi hkachitanna wanna. Sacerdote-nepni Hoyakalu tshinanu hiyrunu Cristo tshinanu. Hiyrun-koxa Cristo-yma hpohirewatanna mil mhale pejnu.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.