Gênesis 19:3 - Bíblia

³ Seyni Ló hipokananu htshanixna hiyáhoni rimotsatluna hjihlokapjitluna Ló-pji. Ló kamhalu tsru nijittshi hnikanrupna, hkamhalu pão myapjetu. Waneya hnikna.

Gênesis 19:3 ပူးပေါင်းရင်းမြစ်များ

Gênesis 19:2

Waneya Ló wan-tshina: — Nutsrukatene, hinamtanu nopjitshi wyanu, wane himjini, herojixitanu waneya yetshikawa yetshpotukawa hyanutka. Seyni wanna wan-tshinru: — Hike seyni tsru poktshi hanikajiteko phujewaka wumjini.

Gênesis 21:8

Waneya mturu tseruwnatka waneya rutuka hachiretatka. Rutuka hachirexinri hohne potuko Isaque, Abraão tsru niklu hkamha.

Gênesis 24:31

Waneya wla htshinatkalu jeji: — Pjihlokanutshi pixa Tsru Hixikatshriwa Hoyakalu nurreryi haklu tshinanhe maleka sretako pyopkakachata? Hit-honra pantshi nalpokohnaputatkayi hiyrun-koxa camelo-ne hwiywakapa nalpokotatka.

Gênesis 26:30

Waneya tsru niklu hkamha Isaque wanna tshinanu. Hnikna, rurna.

Lucas 11:8

Wane ntshinhi, yáholu himka raluk-hiptekleta rimatletleru rixyawaka tshinanu, seyni ruptekanu renekanru ptowruka ralukanru hma mapaxyawakanuplu.

Lucas 14:23

Waneya wla htshinru htowutjeru: “Haté hehe. Pyanutnaka ptowru hapokaka nwaka haté kahnete hapojijkak-koxa nwaka. Yine hipokananu pjihlokjixanu, nopji htsepoxinripna.

Lucas 5:29

Waneyakni Levi tshinkaluru tsru niklu hkamhiylu Jesus, waleko hipjiya. Wane rawakanatna hixolune jijhawenruklerune, pimrin-koxa wannayma tuplakanatatshine nikawakakwa yehi.

João 12:2

Waneya wane natshnewlupa hkamhinrina. Marta tshinkaluro nijittshi hitajyana nikatshine. Lázaro satu wanna Jesus-yma tuplatatshine mesa yehi.

1 Coríntios 5:8

Hiyáhoni wuchinkapanru Páscoa hohne hi nikkalurujpa chitshponatshri yapjetkaluru pixka hixatshinepwu, waleni hektuntshi hiyrun-koxa ptowru hektutu tserutatshri. Seyni wuchinkapanru Páscoa hohne hatatjewa hijpa myapjetkotu pixkalunepwu, waleni wiwekle powralu hiyrun-koxa halikak-potu.

2 Coríntios 5:14

Klu tshinanu Cristo hichinijyawakwu tshinanu wihchinikanu hkoseta. Klu tshinanu wimatlu satupka yineru hipnatka ptowrunek-yine tshinanu. Hiyáhoni hatatjewa ptowrunekwu hipnatka waleyma.

Hebreus 13:2

Hi hichochatanunna hma metjejetanunni yanachalune, hipji hitakanunna. Klu tshinanu haté satkaka hiwejikalune Hoyakalu towrene tenhohne hajene hipji hitukkakatka hma metjejetanunekmaka.