Gênesis 19:16 - Bíblia

¹⁶ Seyni Ló hi chireta hiyáhoni anjo-ne kachimyotna Ló myo, Ló hnunro myo, wanna hepi hwuhenene suxone myo klu tshinanu Tsru Hixikatshriwa Hoyakalu hetwamonre tshinanu hkochpakna tsru poktshi kahnete rutakna.

Gênesis 19:16 ပူးပေါင်းရင်းမြစ်များ

Gênesis 19:15

Rumrerekpiraxinixka anjo-ne haluk-chiretletlu Ló wane htshinruna: — Wuya ppalnanu, panikanna phanunro, piwhenene suxone hepi, klu tshinanukta hewikowana hma mupniywakanupna tsru poktshi hapnokaxikolupni.

Gênesis 43:10

Klu tshinanu wma mimalethohnekanatkonumka hepi katamka wumukata satkapletatka.

Lucas 18:13

— Seyni tiyiro kyoptokleru howuka hyotunoxyatka, hi tenoko hyihatatka. Seyni rutpestaxnawa wane htshina: “Ha, Tsru Hixikatshriwa Hoyakalu, petwamonutanno hitni hektuwaka kamhatshrino!”

João 6:44

Hike yineru himukata yanwakletno Nuru Hoyakalu, nyokanatjeru mkosekkanuklunuplu hita nwaka. Waneyapa ralipre hohnepatka hipuktshi yehi niwekkajinri.

Romanos 9:18

Hiyáhoni Hoyakalu hetwamonutlu katukta raluk-hetwamonreta seyni katukta raluka chikhajiwkakleta, hchikhajiwkaklu.

2 Coríntios 1:3

Himalwutkalurni Wutsrukate Jesus Cristo hiru, royakalute kchinikanur-potukni Hirtshi. Waleni Hoyakalu ptowru neruka hapnanuhchinikankakatshri.

Tito 3:5

Riwekkakwu hi hixako wkamhaleru kihleru tshinanni seyni rixa hetwamonrewlexyawaka tshinanni. Herokakalunwu herotu matuxikolu tshinanu rerotetwu Hoyakalu Hiwejikaluru himukatle tshinanwu.

2 Pedro 2:7

Seyni Ló tshinkaluru, potuka hchinikanuru, riwekkaka Hoyakalu. Ló honukla kojwakahchinikanjekanata yine mpotukane, hektutu hkamhalerna tshinanu.

2 Pedro 2:9

Hoyakalu honra himat-hiknohkakna yine potukalune yahtaletlewlu yehiya hiyrun-koxa rimat-himretna yine mpotukane rapnokaxikolu hohnepa tshinanu rapnokaxikolupna yine.