Gênesis 19:1 - Bíblia

¹ Rutshpojinixka rapokna anjo-ne hepi Sodoma poktshi. Ló tsru poktshi hiphaptote tuplakanata. Waneya Ló hexinixkana hyanwakamtna, hyotómiha haté tshiji rutspakhojita.

Gênesis 19:1 ပူးပေါင်းရင်းမြစ်များ

Gênesis 11:27

Xyeni Terá klopichane piranapni: Terá wuhenetlu Abrão, Naor, Harã. Waneya Harã wuhenetlu Ló.

Gênesis 13:12

Abrão Canaã tshijne hwa seyni Ló nuretlu kihlemta tshijiwaka poktshinkaka hwiywaka hiyáhoni Sodoma poktshistsi rutakapjikananumta.

Gênesis 18:16

Waneya jejine wane hpalniyatkana. Sodoma tshinikowaka poktshi nwaka hyihatna. Abraão wannayma mnuru runhamtka pchinikna.

Gênesis 18:22

Waneya jejinestsi hyopkakakanaxiniwa Abraão ruprotakamtatkana waneya Sodoma poktshi nwaka hyatkana. Halikaka Abraão hitukatka Tsru Hixikatshriwa Hoyakalu hetanuya.

Gênesis 19:10

Seyni anjo-ne pantshi hitokote hwakanatatshine hyosurukakanotna hkosetluna Ló pantshi hruko hya waneya ruchyatatkaluna hiphapto.

Gênesis 19:2

Waneya Ló wan-tshina: — Nutsrukatene, hinamtanu nopjitshi wyanu, wane himjini, herojixitanu waneya yetshikawa yetshpotukawa hyanutka. Seyni wanna wan-tshinru: — Hike seyni tsru poktshi hanikajiteko phujewaka wumjini.

Gênesis 23:12

Waneya Abraão yoptsojityehitatkana wale tshijne hajene hetanu.

Gênesis 48:12

Waneya José Israel hikwakananrene hiwhenene hkochtsheka waneya hyonohiyehitlu tshiji rutspakhojitatka.

Lucas 17:28

Ló tshinkalurni klu papko koxa waneko pixka rixa. Hniknina, rurnina, hmaronewatnina, rutaklewatnina, hpanawatnina.

Hebreus 13:2

Hi hichochatanunna hma metjejetanunni yanachalune, hipji hitakanunna. Klu tshinanu haté satkaka hiwejikalune Hoyakalu towrene tenhohne hajene hipji hitukkakatka hma metjejetanunekmaka.