Gênesis 18:19 - Bíblia

¹⁹ Klu tshinanu nnuretlu wale hiwhenene ruykoxyawaka hiyrun-koxa nuretlu walepji hajene hinatshripa ruykoxyawakapa Tsru Hixikatshriwa Hoyakalu hatnu hapote romkahixyawakapna, potukalune hiyrunu himata yanatshine htshinkona. Wane hixkalunepni Tsru Hixikatshriwa Hoyakalu himukata hakanhakakletlu ptowru pirana potuko htshinakanaxyawaklu Abraão.

Gênesis 18:19 ပူးပေါင်းရင်းမြစ်များ

Gênesis 12:2

Pixa nkamhinri hixo pixyawakapa. Nuhlehchinikanutanyi pixa hiyrunu pixa npohiwahiwakkakanyi Abrão. Pixa tshinanu pimrine hihlehchinikanutko.

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 17:9

Wane pnute htshinru Hoyakalu Abraão: — Xawakni pix-xako pkahwakpiratanru ntshinyatkayi mitshi, pixa hiyrun-koxa piklopichane.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 35:2

Waneya Jacó hiynumatkana walepji hajene hiyrun-koxa waleymalune ptowruneka wla htshinatkana: — Hoyakalu minjene hmunanhalene herutanu hix-yehiya, hpowraxinwa, hemkatanutshi.

Mateus 25:17

Hiyrun-koxa hepi proji yoptotatshri waneko pixka rixatka, waneya hiyrunu hepi proji hkayatatka wale.

João 10:14

Hitni carneiro suslahaklerno kihleru hiyrunu nimatna noprane carneiro-ne. Hiyrun-koxa noprane himatno hita.

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

Atos 27:31

Waneya Paulo wan-tshinna soldado-ne hiyrunu soldado-ne pohire: — Tsro kanawa hma mutukkanuklunupna kanawa hanikatshine hixa hi himukata hiwekkakletko.

Efésios 6:4

Hiyrun-koxa hixa hirtshinhi hi himtuwnakakanna hwuhenene seyni hislahanna, htseruwnakakanna Wutsrukate Cristo haluklewleya hiyrun-koxa Cristo hiykolewleya.

1 Timóteo 3:12

Cristo halixatshine hapatjetatshine kamrurewyehitatshinepa sato suxopka hhanunrotanu. Himat-hijretawhenetatshinepni hiyrunu hipji hajeru himat-kosekatshinepni.

2 Timóteo 1:5

Nuchinikanretlu palixle halikak-potu. Mitshikananhapka pajiro Loide wan-hixa halixleta hiyrun-koxa punro Eunice. Nimatlu pix-koxa wanna pixka pixa halixleta.

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

2 Timóteo 3:15

Pmatureyakananuko pimatatkalu yonatkaluru Hoyakalu tokanu potukalu. Walekni Hiwekkaklewatatshri pirana pimatjemkajikolu, Cristo Jesus halixikolu tshinanu.