15 Seyni Sara pikatka hiyáhoni tweyawatatka. Wane ttshina: — Hike, hi nutsolhiwatatka. Seyni wale wan-tshinro: — Hehe, putsolhiwatatka halikaka.
Hiyáhoni wane ptshininwa repurno, waneya ramotannona pixa tshinanu hiyrun-koxa kihlewaka hkamhinnona pixa ramotle tshinanna. Hiyáhoni hi ruylatannona.
Rawhe pa hixanu Hoyakalu mumukatanutu? Pa mhale xye papkoko hewi nyapanutnaka Sara matuwhenetanu jejipni.
Waneya jejine wane hpalniyatkana. Sodoma tshinikowaka poktshi nwaka hyihatna. Abraão wannayma mnuru runhamtka pchinikna.
Waneya Hoyakalu wla tshinru Caim: — Hanhe hya pepuru Abel? Waneya ruhita: — Hi nimata. Walerhe nuslahjeta?
Waneklukawa potuko Jesus himatatka riwejinriya wan-rixahchinikanutna. Waneya wla htshina: — Klu tshinanhe wan-hixahchinikanuta?
Waneya suxo hepomhalu Pedro: — Hi he pixa xye jeji hasrukler-koxyi? Waneya ruhitlo, wla htshina: — Hita hike.
Hiyáhoni hi rujhatkalu satu yineru hasrujyawaklu hanu rixa yineru klu tshinanu rimatatkalu yineru hchinikanu hwatshri.
Seyni wimata Moisés yonreru tshinyawaka wan-tshinanwakatna Moisés yonreru pirana homkahitatshine. Wan-rixa klu tshinanu hike yineru himukata powratlexinwa seyni ptowru tshijne hajeneko hikolukanuwnatka Hoyakalu hetanuya.
Hihchinikanu hiyrunu hiwejinri koxa herotexiko.
Hi hyokwikakanu. Klu tshinanu hixa hiknokatkalu mitshikananu hixantshi hkamhajekanatanruymakananuko.
Hektuntshi mwikanwu wtshininiklunwa, wyokwijechaxnawa hiyrunu hi wimwalu halikakalutu.