Gênesis 18:14 - Bíblia

¹⁴ Rawhe pa hixanu Hoyakalu mumukatanutu? Pa mhale xye papkoko hewi nyapanutnaka Sara matuwhenetanu jejipni.

Gênesis 18:14 ပူးပေါင်းရင်းမြစ်များ

Gênesis 17:16

Kihlewaka ntshinanwakatanro hiyrunu piwuhenewatanro; halikaka kihlewaka ntshinanro hiyáhoni pa nerkaka hichpajinro, pa nerkaka tsrukakalune hichpajinro.

Gênesis 17:21

Seyni Isaque potuko nuchinkapkakanu ptowru nunkakletleru pirana. Sara honra matkajinyi Isaque pa kata hetkoko xyeklu papkokotnaka.

Gênesis 18:10

Waneya satu wanna wan-tshina: — Halikaka satu mhale hiknohinipa nsatkapanu pixa nwaka waneya phanunro Sara kwuhenpatka jeji twuhenetanu. Hiyáhoni Sara yijnakotlu hiphaptostsi waletji sreta twakanata.

Gênesis 18:13

Waneya Tsru Hixikatshriwa Hoyakalu wan-tshinru Abraão: — Haklu tshinanhe tutsolhiwatatka Sara wane ttshina: Halikakpaklahe kowhenepno ntsrotsolejikno?

Gênesis 18:15

Seyni Sara pikatka hiyáhoni tweyawatatka. Wane ttshina: — Hike, hi nutsolhiwatatka. Seyni wale wan-tshinro: — Hehe, putsolhiwatatka halikaka.

Gênesis 21:1

Tsru Hixikatshriwa Hoyakalu hixkajyawaklo potuko tixatka Sara. Wane rixlo Sara htshina hinkaklexyawakpotuklo.

Gênesis 21:2

Waneya tsrutsolejpotuko rixinixka Abraão tmichiwata Sara, twuhenetlu jeji Hoyakalu mitshi tshinyawaklu Abraão hohne potuko tmatuwhenetatka.

Mateus 14:31

Waneklukawa potuko Jesus homyokanwakatlu Pedro, hkachitlu. Waneya Jesus wla tshinru: — Pixa pso halixle jijiryi! Klu tshinanhe putuk-munanhaletno?

Mateus 19:26

Waneya Jesus yopukhatna, wla htshinna: — Yine mumukatanutu, wale rumukata Hoyakalu.

Mateus 3:9

Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.

Marcos 10:27

Waneya Jesus yopukhatna, waneya wane htshina: — Jeji hi himukata seyni Hoyakalu himukata klu tshinanu Hoyakalu ptowru himukatatshrini wale.

Lucas 1:13

Seyni hiwejikaluru Hoyakalu towreru tenhohne hajeru wan-tshinru: — Hi ppikanu, Zacarias. Hoyakalu himatlu panjireru hanjihohneruya. Hiyáhoni phanunro Isabel matuwhenexinyi jejipni. Phiwakatanru xako João.

Lucas 1:18

Waneya Zacarias hepomhatkalu hiwejikaluru Hoyakalu towreru tenhohne hajeru: — Hanhe xawaka nixa halixletlu xye pirana? Klu tshinanu tsrutsolejitkano. Nhanunro koxa hixo mhaletkalo.

Lucas 1:37

Klu tshinanu Hoyakaluyma hikeni kyapreru.

Lucas 8:50

Wale hjemini Jesus, wane htshinru Jairo: — Hi ppikanu. Palixachatanu, pchitsho hitskalhanu.

Romanos 4:21

Abraão-ni himatlu psolu hchinikanuyako Hoyakalu himukata kamhaletlu wale runkakletanru.

Efésios 3:20

Hiyáhoni xawakni rimalwutko Hoyakalu, hpixkonu tshinanu, wmixkotjeru wiwejinriya, rumukata kamhaletanru pnut-potu wanjixyalu ho wuchinikanretleru.

Filipenses 3:21

Wale kachrijewnakakanru wimane hihrokakanatatshri, himat-nikawnatshri waleko himane hoyaknu pixka rixyawakapa. Wan-rixanu rumukatleyma hiyahokni rumukata ptowru potuko htowuxyawaka.

Filipenses 4:13

Nmixkotjeru tshinanu ptowru potuko numukata.

Hebreus 11:19

Seyni Abraão munanhalu Hoyakalu himukatatshri riwekkajyawakaplu Isaque-ni yahmaklu rupninipa. Halikakni Isaque hipuktshi hiwekkajikaluru pixkalutu hyoptota Abraão. Yapkakluni wale.