Gênesis 17:8 - Bíblia

⁸ Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.

Gênesis 17:8 ပူးပေါင်းရင်းမြစ်များ

Gênesis 12:7

Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 13:15

Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 13:17

Ppalnanu pixa, xye tshiji psajrukanu rowuknu htsernu koxa klu tshinanu nenekanyi.

Gênesis 23:4

Hitni pa nerno hix-yehi hapkapachatatshrino hiyáhoni xawakni tshiji penekanno nkapnaxyawakanapna pa hohne hipnatshinni nkapnaxyawakanaplo hipnatshroni nhanunroni nma metjejexyawakanu yehi, nkapnataninro.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 28:4

Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.

Gênesis 35:27

Waneya Jacó hapyehitlu ruru Isaque, Manre tshinikowaka, Quiriate-Arba tshinikowakastsi, Hebrom tshijneya Abraão-ni, Isaque hwajekanaxyawaka rapokamtatka.

Gênesis 36:7

Wane rixa klu tshinanu wale tshijne hi hakotatkalu hpohirewnalena rimwakajyawakna. Wale tshiji rapokachaxyawakna hi poyahotatkana hipranna.

Gênesis 37:1

Jacó wane hwajeta rurni hwajekanaxyawaka Canaã tshijneya.

Gênesis 48:4

Wla htshinatkano: “Nwuhenewakakanyi, nixolewkakanyi satu neru hixolune nixkakanyi. Xye tshiji nenekanyi pimwiywakaplu pixa hiyrun-koxa piklopichane pixa hatjini hakanhatshinepa nenekanru rumutujyawakapluna tshiji hike rixiniko mnikawnakatupa.

Atos 7:5

Seyni Hoyakalu hi psojikna xye tshiji reneklu Abraão waneklu papko hi pa kochtsheklu jixikna renekniri. Seyni Hoyakalu hinkaklexyalu xye tshiji psoluka renejyawakaplu Abraão hiyrunu Abraão klopichanepa. Hoyakalu xye pirana runkaklexyalu Abraão hi kwuhenewalu Abraão.

Hebreus 9:15

Hiyáhoni wale tshinanu Cristo-ni herotu jihlepokoyehlewakleru. Hiyáhoni Hoyakalu tshanixlene pejnu rumukata yoptoletluna hyoptotanrupna hike rixiniko mnikawnakatupa pirana Hoyakalu hinkaklexyana pirana. Rumukata wan-hixletna klu tshinanu Jesus hipnale hichokakatkana yine pupjetatshine mitshikananu kojiretlu hwatshri hjihyehikanatjerna yehi.

Apocalipse 21:7

Hallirewatatshri yoptotanru xye hita tshinanuya. Hitapni Royakalutepno. Hiyrun-koxa wale nowhenepni.