Gênesis 17:7 - Bíblia

⁷ Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.

Gênesis 17:7 ပူးပေါင်းရင်းမြစ်များ

Gênesis 15:18

Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.

Gênesis 17:13

Pjiprojhaptojitanru ptowru jeji pixasko matuxikatshri hiyrunu katukta ptiyiroteyma panjireru wane hixko. Hiyáhoni ruchinkapko ntshinreru hix-mane hikeklu hohne mnikawnakatupa.

Gênesis 17:19

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 6:18

Noé, nkojiretanyi pixa satu nunkaklexinyi. Hiyáhoni pixa tsro kanawa jihlokanu pixa, piwhenene, pixa hnunro, piwhenene hnunrone koxa tsro kanawa jihlokanu pixayma.

Gênesis 9:16

Kchi honra tenhohne mkohi twanu; waneya nexiniplu nuchinkanru nunkakletleru hike rixiniko mnikawnakatupa, hita Hoyakalno hiyrunu ptowru hixatshri hiwekatshri, ptowru nikaluyma tshij-hoho hwatshri tshinanu ntshinyawakatka.

Mateus 22:32

Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.

Marcos 10:14

Seyni Jesus hexinixkalu xye hi rukchikhihlenutlu, waneya wla htshina: — Hetachatanna mturune hyanwakaxyawaknona. Hi himaletanna. Klu tshinanu Hoyakalu pohirewaxyawaka hayinetene mturune pixkalune koxni wanna.

Atos 2:39

Klu tshinanu xye pirana Hoyakalu hinkaklexyatkahi hixa, hixa whenen-koxa runkaklexyalu hiyrun-koxa wanna ptowruneka hi hixastsi hwatshine tsonu runkaklexya. Tsru Hixikatshriwa Woyakalute tomhanune pejnu runkaklexyalu.

Romanos 9:4

Wannani israel-nerune Hoyakalu nurrene hiwhenene rixyawakna. Hoyakalu hoyaknu hetatshinetka hiyrunu wale ptowruka Hoyakalu hinkaklexyana himwatshinetka. Hoyakalu henekatkana Moisés yonreru pirana hiyrunu Hoyakalu rimalwuxyawakna renekna. Waneyna Hoyakalu hinkaklexyana.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Hebreus 11:16

Seyni hike, wanna halukatkalu pa tshijneko kihlewaka potuko, tenhohne hwatshri tshijne. Hiyáhoni Hoyakalu hi patewata Royakalutna htshinikowaka. Klu tshinanu Hoyakalu halpokohnaputna satu poktshi wanna tshinanupa.

Hebreus 8:10

Hinatshripa hohne nunkaklexinna israel-nerune, wla ntshinanna — htshina Tsru Hixikatshriwa Hoyakalu: Nyonreru pirana wanna hchinikanu nutakanru, hiyrun-koxa wanna hajkaka nyonaxinri. Hitapni Royakalutnona, hiyrun-koxa wannapni, nayinetene.