Gênesis 17:21 - Bíblia

²¹ Seyni Isaque potuko nuchinkapkakanu ptowru nunkakletleru pirana. Sara honra matkajinyi Isaque pa kata hetkoko xyeklu papkokotnaka.

Gênesis 17:21 ပူးပေါင်းရင်းမြစ်များ

Gênesis 17:19

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.

Gênesis 18:10

Waneya satu wanna wan-tshina: — Halikaka satu mhale hiknohinipa nsatkapanu pixa nwaka waneya phanunro Sara kwuhenpatka jeji twuhenetanu. Hiyáhoni Sara yijnakotlu hiphaptostsi waletji sreta twakanata.

Gênesis 18:14

Rawhe pa hixanu Hoyakalu mumukatanutu? Pa mhale xye papkoko hewi nyapanutnaka Sara matuwhenetanu jejipni.

Gênesis 21:1

Tsru Hixikatshriwa Hoyakalu hixkajyawaklo potuko tixatka Sara. Wane rixlo Sara htshina hinkaklexyawakpotuklo.

Gênesis 46:1

Waneya Israel wane hichpajyatka, hyatka rimwaleru ymakananuko. Waneya Berseba rapokatka. Waneya waneko henekachalkaka renejyalu rurni Isaque-ni Hoyakalute.

Gênesis 48:15

Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,

Lucas 1:55

Runkajya pirannina wutsrukatenni. Wan-rixlu Abraão-ni hiyrun-koxa hiklopichaneya hikeklu hohne mnikawnakatupa.

Lucas 1:72

Retwamonre pirana wutsrukatenni runkaklexinritka rekhitanu. Htshina hinkaklexyawaknina pixka potuko rixa halikakalutu pirana hi ramtaklu.

Atos 1:7

Seyni Jesus hihitna: — Hixa hi hijhalu himaxyawaklu wale hohnekaka, hi hipapkoluko. Hirtshi nuretanru waleko hihchinikanuya.

Romanos 9:9

Hoyakalu wan-tshina hinkakletniru Abraão-ni: “Rapokpapkoluxinipa nsatokanu waneya Sara jeji matkakanu.”

Gálatas 3:29

Cristo-nune hixyawaka tshinanu hix-koxa Abraão klopichanhi. Hiyrun-koxa wyoptotanru Hoyakalu hinkaklexyawu wyoptotanrupa.

Hebreus 11:9

Halixlu tshinanu runkaklexikolu tshijne rawjeta Abraão, hma metjejexyawakanu tshijne rawjeta. Pantshi nikalumta kamhikolupjikaka rawjeta Abraão, Isaque hiyrunu Jacó-yma. Wale tshijne yoptotatshinepa Abraão-yma Hoyakalu hinkajya pirana tshinanna.