2 Nuchinkapkakanyi pixa nixolewkakanyi hixolune pixyawakapa.
Pixa nkamhinri hixo pixyawakapa. Nuhlehchinikanutanyi pixa hiyrunu pixa npohiwahiwakkakanyi Abrão. Pixa tshinanu pimrine hihlehchinikanutko.
Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.
Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.
Waneya maleka raniklu Tsru Hixikatshriwa Hoyakalu Abrão waneya wane htshinru: — Teno pyihatanu, putakyahokanro katahirine, pumukata hitakyahoklexiniplo putakyahokanro. Waneya Hoyakalu wan-tshinru: — Katahiri pejnuplu piklopichane.
Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.
Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.
— Hiyáhoni hetanu, nunkaklexyahi hixa, hixa klopichane koxa nunkaklexya,
Wannani israel-nerune Hoyakalu nurrene hiwhenene rixyawakna. Hoyakalu hoyaknu hetatshinetka hiyrunu wale ptowruka Hoyakalu hinkaklexyana himwatshinetka. Hoyakalu henekatkana Moisés yonreru pirana hiyrunu Hoyakalu rimalwuxyawakna renekna. Waneyna Hoyakalu hinkaklexyana.
