Gênesis 17:17 - Bíblia

¹⁷ Waneya Abraão tshij-hoho hyotshrijrotatatka, rutsolhiwata waneya wane htshinnawa: “Rumukata wuhenewlethe sat-jeji cem mhalerututka, Sara koxa noventa mhaletka, tumukata wuhenewlethe?”

Gênesis 17:17 ပူးပေါင်းရင်းမြစ်များ

Gênesis 17:18

Waneya Abraão wan-tshinru Hoyakalu: — Hoo rumukatkamka noturu Ismael ptshinyawaka pixka rixanumka.

Gênesis 17:3

Waneya Abrão yoptsojitamtatka tshij-hoho waneya Hoyakalu wan-tshinru:

Gênesis 18:11

Abraão, Sara tsrutsolejinetkani hixo mhalenetkana hiyrun-koxa Sara hi himtuhajetatka.

Gênesis 18:12

Hiyáhoni tutsolhiwatatka Sara wala nanwaka, wane ttshina wala nanwaka: — Tsrotsolejno hita nhanuru koxa tsrutsolejitka halikakpaklahe kowhenepno npoyikowatanu?

Gênesis 21:5

Cem mhaletkalu Abraão hituru Isaque matuxyatkalu Abraão.

Gênesis 21:6

Sara wla tshinatka: — Hoyakalu poyikowkakatkano hiyrun-koxa ptowru yineru xye pirana jematshripa hitayma poyikowatanu.

Gênesis 21:7

Kathe xawaka himukata hinkakletlu Abraão pa hohne tachitshakawhenexyawakapa Sara tshinkaluro? Klu tshinanu hit-honra nutsrukate hitsruka jeji niwhenetlu.

Mateus 2:11

Rapojinixkaluna pantshi, retluna mturu runro Maria-yma. Waneya hyinuwaka hipyoklemtna tshiji, hyoptsojityehitluna, rimalwutluna mturu. Waneya hkotpukluna hkapajirna kwenur-potuko hwiywaka waneya renekluna henekachalkaka ouro, phamluhalo incenso tshinkaluro, phamluhalojpa mirra tshinkaluru.

Lucas 1:18

Waneya Zacarias hepomhatkalu hiwejikaluru Hoyakalu towreru tenhohne hajeru: — Hanhe xawaka nixa halixletlu xye pirana? Klu tshinanu tsrutsolejitkano. Nhanunro koxa hixo mhaletkalo.

João 8:56

Hirni Abraão-ni rumuwatni ret-hapoklexinno. Retlu hiyrunu rumuwatni.

Apocalipse 11:16

Waneya tsrukakalune vinte e quatro, htuplawaklena pohirtshi tuplawakle tuplatatshine, Hoyakalu hoji sreta hwatshine, hyoptsojityehitluna Hoyakalu hiyrunu hihojna tshiji rutspakna. Hoyakalu rimalwutna.

Apocalipse 5:8

Waneya wan-rixinixka quatro hiwejikalune hiyrunu tsrukakalune vinte e quatro pejnu yoptsojityehitlu Carneiro Whene tshinkalurustsi. Satkaka wanna himwakanatlu tokapikaka hiyrunu kastonolkaka ouro kamhikaluru katseplu phamlu pahiru. Phamlu pahiru yapkakletlu Hoyakalu nurrene ralixjene hanjihohnere pirana.