Gênesis 17:10 - Bíblia

¹⁰ Hiyáhoni nunkakajyatkayi pixa ruchinkapkakanyi hita pixayma, piklopichane koxa hichinkapanru hiyrunu rimretanru xako: Ptowru mturu jeji hixa tskala matuxikatshri histakaptojimtatko.

Gênesis 17:10 ပူးပေါင်းရင်းမြစ်များ

Gênesis 17:11

Hiptojimta rustajiko; waneya xyekni hekhitanru nuchinkapkaklewle Hita, hixayma.

Gênesis 17:23

Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.

Gênesis 17:27

Hiyrunu koxa hjiprojhaptojitkana ptowru jejine Abraão-pji hajene, htowrune koxa walesko matuxikatshine hiyrunu ranjirene howuka hichpajikatshri.

Gênesis 21:4

Waneya oito hohne rixinixka hiwhene Isaque, Abraão histakaptojimtatatkalu htshin-towutlexyawakpotuklu Hoyakalu.

Gênesis 34:15

Xye tsonni himaletjeru. Hixa pixka hma mixyawakanu ptowruneka jejinhi jiprojhaptojita waneya witshixinyi pimwiywakaplo.

Gênesis 34:22

Seyni ptowru jeji hixa tskala hwatshri jiprojhaptojitkoklunu tsonu hima hixa tskala rumukata hwaletna pa nerupka wixinripa tsonu.

João 7:22

Halikakni Moisés-ni henekatkahi jiprojhaptojimtaxikolu pirana (seyni hi Moisés-ni ruchpajya seyni hitsrukatenni ruchpajya halikaka). Hapnanuxikalur-hohneko hjiprojhaptojimtakjixlu jeji.

Atos 7:8

Hoyakalu hinkaklu Abraão hjiprojhaptojimtaxyawaka pirana, hkojirexyalu wale pirana mnukawa runkaklexyalu Hoyakalu. Wale tshinanu Abraão histaklu Isaque ptojimta hmatuxini Isaque oito hohne rixini. Isaque wuhenetlu Jacó. Jacó wuhenetna wutsrukatene doze.

Romanos 2:28

Hiyáhoni hanu pothe rixa judeu? Roho mane hi judeu hixkaklu yineru. Hiyrun-koxa hi jiprojhaptojimtaluko judeu hixkaklu yineru.

Romanos 3:25

Hoyakalu heneklu Cristo henekachaluru hiylatkaluru rixyawakapa hiyáhoni cruz rupniywaka tshinanu, yineru hektunu hiknokatshri rixyawakatka Cristo, ptowru yineru munanhalerutkani Cristo. Hoyakalu wan-hixa rekhixyawaklu potukalu rixyawaka. Mitshikananu Hoyakalu hetachatna hektuwaka kamhatshine, hmachiretannu tshinanu; hiyáhoni hi rapnokatna rektunna.

Romanos 3:28

Hiyáhoni wimatjemlu Hoyakalu powratlu yineru ralixle tshinanu tsonu seyni Moisés yonreru pirana romkahixyawaka hi powratlu yineru.

Romanos 3:30

Klu tshinanu Hoyakalu satupkalu. Hiyáhoni wale powratlu judeu-neru hiyrun-koxa judeu mixkane ralixlena tshinanu.

Gálatas 3:28

Satupkahi Cristo Jesus-yma. Hi judeu-nhi hi judeu mixkanhi. Hi towrertshiko hi hichotkaluruko. Hi jejineko hi suxoneko.

Gálatas 6:12

Wanna yine, mantshi himuwlerucha tsonu halukatshinni, wanna jiprojhapsojitekjixhi. Wan-rixjetna klu tshinanu hi raluka salewnaletna, Cristo hipnale cruz-ya pirana mukolujyawakanupna.

Efésios 2:11

Judeu mixkane hixjexyawaka tshinanu, mjiprojhikanwa tshinkalunhi judeu-neya. Jiprojhal-pirana wale yine kamrure tsonni. Hichinikanru mitshikananu hkamrure.

Filipenses 3:3

Klu tshinanu halikak-potu jiprojhikatshinwahi hixa seyni hi judeu-nni. Seyni hixakni Hoyakalu kahwakpiratatshinwu Hoyakalu Hiwejikaluruya. Cristo Jesus munanhatshinwu tsru poyikowluyma hixni. Mantshi pirankaka tsonu mmunanhakanwu hixa.