Gênesis 17:1 - Bíblia

¹ Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 17:1 ပူးပေါင်းရင်းမြစ်များ

Gênesis 12:1

Tsru Hixikatshriwa Hoyakalu hinkakatkalu Abrão mitshi: — Puchpajinixkalu ptshijne, pimolene tskalaya, puchpajinixkalu purupji, pyanwakatanru tshiji nekhixyapyi.

Gênesis 12:7

Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 16:16

Abrão oitenta e seis mhaletkalu Hagar wuhenetatkalu Ismael.

Gênesis 18:1

Tsru Hixikatshriwa Hoyakalu hakanhayehitlu Abraão tsru hahmunakakastsi Manre tshinkaluru. Abraão tenda nikalumta kamhikolupji swa htuplahamerekanata.

Gênesis 18:14

Rawhe pa hixanu Hoyakalu mumukatanutu? Pa mhale xye papkoko hewi nyapanutnaka Sara matuwhenetanu jejipni.

Gênesis 24:40

Waneya wla htshinatkano: — Tsru Hixikatshriwa Hoyakalu niyanjereru yokanatanru htowreru tenhohne hajeru pixayma repixyawakapyi pyanreya. Wane hixatshripyi nuruni poktshi nwaka pyanu, nomolene wane hajene yehi waneya waneko suxo pwapini noturu hhanunroxyawakaplo.

Gênesis 26:2

Waneya Tsru Hixikatshriwa Hoyakalu hakanhayehitatkalu Isaque, waneya wla htshinatkalu: — Hi Egito tshijne nwaka pyanu seyni pyanru nekhixyayi tshijne nwaka wane pwanu.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 35:11

Waneya Hoyakalu wla tshinatkalu: “Hitni Hoyakalu Ptowru Himukatatshrino. Pwuhenewatanu, hixolunepyi. Satu nerupyi satu nerkaka xkehipyi hiyrun-koxa phurune hichpajinri pixkehi.

Gênesis 43:14

Hoyakalu Tsru Himukatatshri henekanhi hetwamonrewlu wale jeji hojiya, hsatkajyawakaplu hixa mole satu hiyrunu ritshixyawakaplu Benjamim hsatkapyawakapa. Seyni hita, namtakawhenexinipa mwuhenetpatkano.

Gênesis 46:3

Waneya wla htshina: — Hitni Hoyakalu, purni Hoyakalutno. Hi ppika Egito tshijne nwaka yaletanu. Satu neru hixkolune nixkakanyi waneya.

Gênesis 48:15

Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,

Gênesis 48:3

Waneya Jacó wla tshinru José: — Hoyakalu Ptowru Potuko Himukatatshri hakanhayehitno Luz tshinikowakaya Canaã tshijne. Wanekni kihlewaka htshinanwakaxyano.

Gênesis 5:22

Enoque Hoyakaluyma yana. Waneya wane pnute Metusalém matuxinixka Enoque hiwekatka trezentos mhale. Hwuhenetna hiwhenene jejine, suxon-koxa.

Gênesis 5:24

Hoyakalu riyana Enoque waneyatka ramhatka klu tshinanu Hoyakalu haniklu waleymatkalu.

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Mateus 19:26

Waneya Jesus yopukhatna, wla htshinna: — Yine mumukatanutu, wale rumukata Hoyakalu.

Mateus 5:48

Hiyáhoni potukalunephi, hixa hiru tenhohne hajeru pixka.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Atos 23:1

Hiyáhoni Paulo yopukhatna jemahchinikanjexikowaka hajene waneya wane htshinna: — Jejine, nomolene, hi nkojwakahchinikanuxnawa niwejinriya Hoyakalu hetanuya.

Atos 24:16

Wale tshinanu psol-hohneruka kihleru nyahot-kamhaleta Hoyakalu hetanuya, yine hetanuya koxa.

Efésios 3:20

Hiyáhoni xawakni rimalwutko Hoyakalu, hpixkonu tshinanu, wmixkotjeru wiwejinriya, rumukata kamhaletanru pnut-potu wanjixyalu ho wuchinikanretleru.

Filipenses 4:13

Nmixkotjeru tshinanu ptowru potuko numukata.

Hebreus 12:28

Hoyakalu wimalwutanu klu tshinanu pohirewaxikowaka muwchokkotu yoptotatshinetkawu. Poyahnuwatatshinepwu hiyrunu Hoyakalu himalwujetatshinepwu Hoyakalu halukleru pixka hixatshinepwu, Hoyakalu kahwakpiratatshinepwu tsru pikluyma.

Hebreus 7:25

Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.