Gênesis 15:15 - Bíblia

¹⁵ Seyni pixa Abrão putsrukatenni yehi pyanu hike mixkatupyi. Pixa putsruknu kamakaxin-potukyi pkapnatko.

Gênesis 15:15 ပူးပေါင်းရင်းမြစ်များ

Gênesis 23:19

Waneya Abraão kapnatanro hhanunroni Sara-ni hipjita hwapnatatshriya Macpela campo-te hwatshri Manre tshinikowaka hinaple hwatshri Hebrom poktshiya, Canaã tshijne hwatshri.

Gênesis 23:4

Hitni pa nerno hix-yehi hapkapachatatshrino hiyáhoni xawakni tshiji penekanno nkapnaxyawakanapna pa hohne hipnatshinni nkapnaxyawakanaplo hipnatshroni nhanunroni nma metjejexyawakanu yehi, nkapnataninro.

Gênesis 35:29

Rupnanatka Isaque-ni. Rutsruknu potuko kamakatanru. Rutsrukatenniyma rapatjetatka. Waneya hiwhenene Esaú, Jacó kapnatanru.

Gênesis 47:30

Hiyahokni nomanni panikanu Egito tshijne malekate nurunni yomle nwaka wannani hinaple nkapnaxikowakapa. Waneya José wla tshinru: — Ptshinakanaxyawaka nkamhanu.

Gênesis 49:29

Waneya hiwhenene htowutatka. Wla htshinatkana: — Hi howukchini nomolenni yehi napatjexinitka hiyáhoni kapna hipjita jitoxikolu Efrom hitita-neru campo-te hwatshri nurunni kapnaxikowaka hkapnatanno hita.

Gênesis 49:31

Wanekni hkapnatkana Abraão-ni, hhanunro Sara-ni wane tkapnatkana, Isaque-ni wane hkapnatkana, hhanunro Rebeca-ni wane tkapnatkana. Wane koxakni nkapnatanro Lia-ni.

Gênesis 50:13

Hiwhenene jejine hanikanru Canaã tshijne nwaka waneya hkapnatanruna himriji hwapnatatshri Macpela tshinikowaka campo-teya Manre tshinikowakastsi hwatshri. Xye campo mitshi Abraão-ni hanjixyalu Efrom tshinkaluru hitita-neru yomletshi rixikowakapa.

Mateus 22:32

Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.

Atos 13:36

Waneya Paulo pnute hya hinkakleta: — Davi kamhalu Hoyakalu halujyawaka riwejinri pchinika. Waneya rupnatka, rutsrukatenni yehi hkapnaxika waneya himane hijpahatka yomletshiya.