Gênesis 14:14 - Bíblia

¹⁴ Waneya hyijnakoxinixka Abrão hituru himole whene hkachixikowakatka, htomhana trezentos e dezoito jejine walestsi matuxikatshine, nyiyma romkahitna Ló kachimtatshine haté Dã tshinikowaka.

Gênesis 14:14 ပူးပေါင်းရင်းမြစ်များ

Gênesis 12:16

Waneya wala tshinanu Faraó kihle hixlu Abrão hiyáhoni wane rixa yoptoletluna Abrão prane carneiro-ne, wakane, porone, htowrerune jejine, htowrerone suxone koxa, porone suxone, camelo-ne koxa.

Gênesis 12:5

Abrão hanikna waleyma hyiywakna hhanunro Sarai, Ló repuru whene, hiyrunu ptowru rejnunkate rimwanru hiyrun-koxa ptowru rayinetene Harã tshijne rukchijinine ranikamta. Hyanna Canaã tshiji nwaka. Waneya rapokna.

Gênesis 13:8

Waneya Abrão wan-tshinru Ló: — Hi kihleru wale hikolukle wahkakajyawaka hita, pixa hiyrunu hitapra hislahatshine, pixapra hislahatshineyma klu tshinanu wmoletkaka.

Gênesis 14:12

Hkachitkoxluna Ló, Abrão hepuru whene, Sodoma poktshi rawajekanaxini. Rejnunkate koxa ranikna. Waneya hyatkana.

Gênesis 14:16

Hsatkaklu rejnunkatna psoluka, Ló Abrão turu koxa ptowruka rejnunkate, suxone koxa hiyrunu ptowruneka Ló-yma kachitkalune satkapatka.

Gênesis 15:3

Hiyrunukotnaka wane htshina Abrão: — Hi penekawhenetno hiyáhoni satu ntowrerucha, hitasko hwatshri yoptochatanru npohirewaxinri.

Gênesis 17:12

Ptowru jeji, ptowru piklopichane oito hohne rixini rustakko. Ptowreru pixasko matuxikatshri hiyrun-koxa paneru hanjixikolu yehi hwatshri wane hixko.

Gênesis 17:23

Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.

Gênesis 17:27

Hiyrunu koxa hjiprojhaptojitkana ptowru jejine Abraão-pji hajene, htowrune koxa walesko matuxikatshine hiyrunu ranjirene howuka hichpajikatshri.

Gênesis 18:19

Klu tshinanu nnuretlu wale hiwhenene ruykoxyawaka hiyrun-koxa nuretlu walepji hajene hinatshripa ruykoxyawakapa Tsru Hixikatshriwa Hoyakalu hatnu hapote romkahixyawakapna, potukalune hiyrunu himata yanatshine htshinkona. Wane hixkalunepni Tsru Hixikatshriwa Hoyakalu himukata hakanhakakletlu ptowru pirana potuko htshinakanaxyawaklu Abraão.

Gênesis 23:6

— Ha wutsrukate pjemanwu hixa. Pixa honukla tsrukakalyi Hoyakalu yehiya hixa hetanuya. Hiyáhoni pixako nuretanru hanukta paluka hitakletanru phanunroni pkapnaxyawaklo yomle. Hi satuknakwu hixa tshipexinyi yomletshi putakpiraxyawaka pkapnaxyawakanaplo phanunroni.

1 João 2:18

Mturune pixkalune, hi howukatkalu xye tshijne nikawniywakapa hiyrunu hixa jempiranyehitlu Cristo kamnitatshri hinatshripa. Xawakni koxa hi heppikatkana Cristo kamnitatshine. Xye tshinanu wimathetlu hi howukatkalu xye tshijne nikawniywakapa.