Gênesis 13:9 - Bíblia

⁹ Hi he pixa stsikolu tshiji hitsrukakananu? Nanjityi putspalaxyawakapno; xawakni pnuretanu, pixa pasta sreta pyini, hita potuklu sreta nyanu seyni potuklu sreta pyini pixa waneya hita pasta sreta nyanu hita.

Gênesis 13:9 ပူးပေါင်းရင်းမြစ်များ

Gênesis 13:10

Waneya Ló heknojtata retlu Jordão wennemta tshiji. Wale tshiji kihlehlu honha (wanekni mnukawa Tsru Hixikatshriwa Hoyakalu hma nikatkonuklunuwa mitshi Sodoma, Gomorra poktshikaka) Tsru Hixikatshriwa Hoyakalu hitaklecha pixka rixa, Egito tshijne pixka rixatka hatatjewa Zoar poktshi yapamtatshri pixka rixa.

Gênesis 13:8

Waneya Abrão wan-tshinru Ló: — Hi kihleru wale hikolukle wahkakajyawaka hita, pixa hiyrunu hitapra hislahatshine, pixapra hislahatshineyma klu tshinanu wmoletkaka.

Gênesis 20:15

Waneya Abimeleque wla tshinatkalu: — Hetanu ntshijne psoluka nitshixinyi. Hanuktako paluka hwaleta wane pwanu.

Gênesis 34:10

Hiyrun-koxa hixayma hwanu hixa. Wane hixatshinephi hike himalexinhi tshiji. Hewi tshijne hwanu hixa, hewi hmaronewjexini, hejnu hikchikanu xye tshijneya.

Romanos 12:18

Hixako himukaxyawaka ptowru potuko hixanu pa hchinikanupka hixanu hixkakluko.

1 Coríntios 6:7

Hixa hikolukakjeta hixkakluko hiyáhoni hixa pupjeta. Hi he xawaka kihlepotlu hetachaxyawaklu jikolukanurkaka? Klu tshinanu kihle potlu htshowhuwachaxinixka.

Hebreus 12:14

Hijhapotutanru kihle hwachle rixyawakapna ptowrunek-yine. Potukalunephi ptowru potuko tshinanuya. Klu tshinanu wane hmixkanuklunupa hi satuknako yineru Tsru Hixikatshriwa Hoyakalu hetanu.