Gênesis 13:8 - Bíblia

⁸ Waneya Abrão wan-tshinru Ló: — Hi kihleru wale hikolukle wahkakajyawaka hita, pixa hiyrunu hitapra hislahatshine, pixapra hislahatshineyma klu tshinanu wmoletkaka.

Gênesis 13:8 ပူးပေါင်းရင်းမြစ်များ

Gênesis 13:9

Hi he pixa stsikolu tshiji hitsrukakananu? Nanjityi putspalaxyawakapno; xawakni pnuretanu, pixa pasta sreta pyini, hita potuklu sreta nyanu seyni potuklu sreta pyini pixa waneya hita pasta sreta nyanu hita.

Gênesis 14:14

Waneya hyijnakoxinixka Abrão hituru himole whene hkachixikowakatka, htomhana trezentos e dezoito jejine walestsi matuxikatshine, nyiyma romkahitna Ló kachimtatshine haté Dã tshinikowaka.

Gênesis 45:24

José hiykotatkana wla htshinatkana: — Xako hi hyahotkakanu hatnu hapoya. Waneya himolene hyokanata hyiywakapna. Waneya hyatkana.

Gênesis 46:34

Wla htshinanru: “Hixa ptowrerunwu pratshine suslahaklerunwu wmatureyakawa haté xawakni. Hixa wane wixjeta wutsrukatenni klukananuko haté xawakni.” Wane htshinanru ritshixyawakaphi Gósen tshinikowaka hwiywakapa klu tshinanu pratshine hislahikolu malukkotu kamrurtshi hkahwaka egito-neruneya.

Mateus 5:9

— Poyikowatatshinni jejine himat-hiykokakatshine kihle hwachlu rixkakna klu tshinanu wanna Hoyakalu whenene htshinkona.

Atos 7:26

Waneya wale prika Moisés hetna hepi yahotkakatshine israel-nerune. Raluk-hiykoletmakna wane htshina: “Jejine, hyijnakotanu, hixa moletkakatshinhi klu tshinanhe hyahotkaka?”

Romanos 12:10

Hamotkakanu hixkakluko, moletkakatshine pixka. Hkahwakpiratanru hixa satkakhi.

Filipenses 2:14

Ptowru potuko hkamhanu muhjekkakanunephi myanhakakanunephi.

1 Tessalonicenses 4:9

Cristo tshinanu moletkakatshine hichinikkajyawaka pirana tshinanu himka nujhalu nyonyehixyawakhi. Klu tshinanu hixako hasrukakanatka Hoyakaluya hichinikajyawaka hixkakluko.

Hebreus 12:14

Hijhapotutanru kihle hwachle rixyawakapna ptowrunek-yine. Potukalunephi ptowru potuko tshinanuya. Klu tshinanu wane hmixkanuklunupa hi satuknako yineru Tsru Hixikatshriwa Hoyakalu hetanu.

Hebreus 13:1

Hi hituk-hichiniklekakanu seyni Cristo moletanune pixka hixa hichiniklekakanu.

1 Pedro 1:22

Hiyáhoni xawakni halikaka tokanu homkahlu tshinanu Hoyakalu Hiwejikaluru hepixle tshinanu hpowratahchinikanuxnawa hpoyaho hichinikanretletna hmoletanune Cristo tshinanu ptowru hamotluya. Hiyáhoni hichinikkakanu. Hi hixachatatshinephi seyni hihchinikanu psolukayma hichinikkakanu.

1 Pedro 2:17

Ptowru yineru hkahwakpiratanu. Moletkakatshine Cristo tshinanu hichinikanu. Hoyakalu hpikanu. Towutatshri hkahwakpiratanu.

1 Pedro 3:8

Hiyáhoni xawakni ptowrunekhi pa hchinikanurunephi. Hetwamonkakanu. Hichinikkakanu moletkakatshine pixka. Kchinikanurunephi. Himatletkakatshinephi, mayohonephi.

1 Pedro 4:8

Seyni halikaka xye ptowruka yohnik-hijhakalurni hichinikajyawaka. Klu tshinanu hichiniklewlu hixo hektuntshi hitukkakatshrini wale.

2 Pedro 1:7

Hoyakalu potuko homkahle haptowrutanru Cristo tshinanu moletkakatshine hichinijikolu. Cristo tshinanu moletkakatshine hichinijikolu haptowrutanru hamotlewlu.

1 João 4:7

Nuchinikanune, wuchinikkakanu klu tshinanu hichinijikolu Hoyakalu yehi ruchpajya. Katukta hamotkaka Hoyakalu matkaklerutkani hiyrunu Hoyakalu rimatheta.