Gênesis 13:7 - Bíblia

⁷ Waneya hyinuwaka hahkakakjeretna Abrão-pra hislahatshine, Ló-prane hislahatshineyma. Waneklu papko cananeu-nerune, hiyrunu ferezeu-nerune wane tshiji hwakanata.

Gênesis 13:7 ပူးပေါင်းရင်းမြစ်များ

Gênesis 10:19

Waneya cananeu-nerune hmahatshijnemxyawaka htshijnetna Sidom, Gerar hyatshijnetna haté Gaza, Sodoma hyatshijnetna, Gomorra, Admá, Zeboim koxa hyatshijnetna haté Lasa.

Gênesis 12:6

Waneya Abrão koprumtlu wale tshiji haté Siquém tshinikowaka Moré tshinkaluru mun-yehi. Waneklu Canaã-nerune wane tshijne rawakanatna.

Gênesis 21:25

Waneya Abraão kaheknanuwyehitlu Abimeleque hakopha hikolukle tshinanu klu tshinanu Abimeleque towrerune hakakatkana Abraão maklutene hipokananu.

Gênesis 26:20

Seyni pratshine hislahatshine Gerar tshinikowaka hajene kamnitatkana Isaque towrerune pratshine hislahatshine, wla htshinatkana: — Xye honha hixanu. Hiyáhoni wale hakopha hiwakatlu Eseque klu tshinanu hkamnitluna wane.

Gênesis 34:30

Waneya Jacó hiwhenene Simeão, Levi riynumatatka wla htshinatkana: — Hixa kojwakatkano. Hixa nahjikowaka hkamhiyno yine hetanuya, cananeu-nerune hetanuya, ferezeu-nerune hetanuy-koxa nahkako. Hix-honra mixonwu hiyáhoni rapatjetanna hkamnixyawakapnona, hnikatannona hita hiyrun-koxa nopji hajenepni.

Gênesis 46:34

Wla htshinanru: “Hixa ptowrerunwu pratshine suslahaklerunwu wmatureyakawa haté xawakni. Hixa wane wixjeta wutsrukatenni klukananuko haté xawakni.” Wane htshinanru ritshixyawakaphi Gósen tshinikowaka hwiywakapa klu tshinanu pratshine hislahikolu malukkotu kamrurtshi hkahwaka egito-neruneya.

Marcos 3:25

Hiyrun-koxa pantshi hajene wannakakluko pnu pejnu rixahchinikanutna hi rumukata hwachaletna.

1 Coríntios 3:3

Xye tshijne pirana tsonu homkahitatshine pixkalunhi. Klu tshinanu hix-yehi rawa hahxalu hiyrun-koxa yahotkaklu. Hi he xye pirana hekhitlu xye tshijne pirana tsonu homkahitatshine pixka hixatshinhi? Hiyrun-koxa hi he pimrine malixkane pixka hixjetatshinhi?

Gálatas 5:20

mayawletshicha kahwakpiraxikolu, kahontshiwlu, jhekantshi, kamnirewlu, hejnuhimlu, hahxalu, himtuwaktshi, hihjekaklu, kotspalahchinikanrewlu, pnuko hasruklewlu hasruklewatatshri,

Colossenses 4:5

Himatkalnuyma hiwekanu malixkane hetanuya. Hiwekka pchinika hi hetachaxinwa.

1 Tessalonicenses 4:12

Wan-hixini kihle piranyehirunephi malixkane yehiya. Waneyakni hi pimrine hkahwakanu hmahaxinri tshinanuya.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

Tiago 3:16

Klu tshinanu hanuktako rukchijika hahxalu hiyrunu kamnirewlu, wane koxlu kaheknanuwlu hiyrun-koxa ptowru hixatshri kamrurtshi hektutu wane hwa.

Tiago 4:1

Hanhe ruchpajya hiylakaklu? Hanhe ruchpajya yahotkaklukaka hixkakluko? Hi he hahxalu hix-mane psojitkaka hwatshri kamnirewatatshrini wale?

1 Pedro 2:12

Yine malixkane hetanu, potuka hiweklerunephi. Yáholu hektutu kamhatshine htshinjetanhi seyni kihleru hkamhaleru tshinanu wanna yehi hkamhajexinri tshinanu, Hoyakalu hapojinri hohnepa rimalwutanruna.