Gênesis 13:16 - Bíblia

¹⁶ Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.

Gênesis 13:16 ပူးပေါင်းရင်းမြစ်များ

Gênesis 15:5

Waneya maleka raniklu Tsru Hixikatshriwa Hoyakalu Abrão waneya wane htshinru: — Teno pyihatanu, putakyahokanro katahirine, pumukata hitakyahoklexiniplo putakyahokanro. Waneya Hoyakalu wan-tshinru: — Katahiri pejnuplu piklopichane.

Gênesis 16:10

Wane pnute htshina hinkakletlo Tsru Hixikatshriwa Hoyakalu towreru tenhohne hajeru: “Nkamhanru pixa klopichane hixolewniywakapa hix-potuko hi poyaho hitakyahokletanna wanna klu tshinanu hixpotpakona.

Gênesis 17:16

Kihlewaka ntshinanwakatanro hiyrunu piwuhenewatanro; halikaka kihlewaka ntshinanro hiyáhoni pa nerkaka hichpajinro, pa nerkaka tsrukakalune hichpajinro.

Gênesis 17:2

Nuchinkapkakanyi pixa nixolewkakanyi hixolune pixyawakapa.

Gênesis 17:20

Nyijnaktokanutatkayi Ismael tshinanu, hiyáhoni kihlewaka ntshinanru, nixolewkakanru hixpotpakna hiwhenene; hiyrun-koxa hwuhenetanna tsru phurune doze-pna hiyrun-koxa wale nuchpakajinri satu neruko hixolunpotpako.

Gênesis 17:6

Nkamhanyi pixolewniywakapa, pix-yehi ruchpajinna hixonerune hiyrunu pix-yehi ruchpajinna phurune.

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Gênesis 21:13

Seyni towretshro whene koxa pa neru nixkakanru klu tshinanu wale honra pixa whenni.

Gênesis 22:17

Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.

Gênesis 26:4

Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.

Gênesis 28:14

Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 32:12

Seyni mitshi pixa wan-tshinno: “Kihlewaka nkamhinyi. Ksatuji mar powha hwatshri pejnu pixka nixkakanyi, ptshinno mitshi hixolunpotpakyi mpoyaho hitakyahoklexikowakanu pejnupyi.”

Gênesis 32:13

Waneya waneko rawatka wale yetshno. Waneya rimwaleru hkanipretatka henekachalu himole Esaú tshinanupa.

Gênesis 35:11

Waneya Hoyakalu wla tshinatkalu: “Hitni Hoyakalu Ptowru Himukatatshrino. Pwuhenewatanu, hixolunepyi. Satu nerupyi satu nerkaka xkehipyi hiyrun-koxa phurune hichpajinri pixkehi.

Gênesis 46:3

Waneya wla htshina: — Hitni Hoyakalu, purni Hoyakalutno. Hi ppika Egito tshijne nwaka yaletanu. Satu neru hixkolune nixkakanyi waneya.

Hebreus 11:12

Hiyáhoni Abraão tsonu mwuhenetuko hipnahotkaluru tshinanu, yine mlejikananu hakanhiylu katahiri tenhohne hajene pejnu hiyrunu ksatuji mar powha wnahlu hajeru mpoyaho hitakyahokletkotu pejnu.

Apocalipse 7:9

Waneya wane wkatanu netatnaklu, netna yine hixolun-potu, mpoyaho hitakyahokletkone. Wannani ptowru tshijne hichpajikatshine, ptowru neruko, kakoje neruru hiyrunu ptowru nrutshi. Pohirtshi tuplawaklestsi hiyrunu Carneiro Whene tshinkalurustsi hyopkakakanatna. Mkatshri hopowalu klatalu makatatshine. Kasureru ranikamtna himyoyna.