Gênesis 13:15 - Bíblia

¹⁵ Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 13:15 ပူးပေါင်းရင်းမြစ်များ

Gênesis 12:7

Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 13:17

Ppalnanu pixa, xye tshiji psajrukanu rowuknu htsernu koxa klu tshinanu nenekanyi.

Gênesis 15:18

Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.

Gênesis 15:7

Wane pnuteko htshina: — Hita Tsru Hixikatshriwano Ur, Caldeu-nerune poktshi kochpajijerukno hita, nenejyawakapyi xye tshiji pumlujikolu.

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Gênesis 24:7

Tsru Hixikatshriwa Hoyakalu, tenhohne hajeru nurni pji nuchpakakjixjeru hiyrun-koxa nmatuxyawak-tshijne nuchpakakjixjeru, hiynumatatkano hiyrun-koxa runkakno, wla htshinatkano: “Xye tshijne nenekanna piklopichane rumutujyawakapluna.” Walekni yokanatanru htowreru tenhohne hajeru pma muchpakkanuklunuwa pixa. Hiyáhoni waneko pwapinro sato suxo hhanunroxyawakapa noturu.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:14

Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.

Gênesis 28:4

Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.

Gênesis 35:12

Hiyrun-koxa tshiji nenejyatkalu Abraão, Isaque, pixa nenekanru hiyrun-koxa pixa piklopichanepa pixa hatjini hakanhatshinepa nenekanru tshiji.”

Gênesis 48:4

Wla htshinatkano: “Nwuhenewakakanyi, nixolewkakanyi satu neru hixolune nixkakanyi. Xye tshiji nenekanyi pimwiywakaplu pixa hiyrun-koxa piklopichane pixa hatjini hakanhatshinepa nenekanru rumutujyawakapluna tshiji hike rixiniko mnikawnakatupa.

Gênesis 50:24

Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.

Mateus 5:5

— Poyikowatatshinni mayohone klu tshinanu Hoyakalu henekanna xye tshijne psoluka.

Atos 7:5

Seyni Hoyakalu hi psojikna xye tshiji reneklu Abraão waneklu papko hi pa kochtsheklu jixikna renekniri. Seyni Hoyakalu hinkaklexyalu xye tshiji psoluka renejyawakaplu Abraão hiyrunu Abraão klopichanepa. Hoyakalu xye pirana runkaklexyalu Abraão hi kwuhenewalu Abraão.