Gênesis 13:13 - Bíblia

¹³ Hetanu Sodoma hwatshine jejine hektutu kkamhaklerune Tsru Hixikatshriwa Hoyakalu hetanuya.

Gênesis 13:13 ပူးပေါင်းရင်းမြစ်များ

Gênesis 10:9

Xyekni Ninrode kyahkaklerni potu Hoyakalu hetanu: wale tshinanu wane htshinka; Ninrode pixkalutni kyahkaklerpotni Hoyakalu hetanuya.

Gênesis 15:16

Quatro hatjirtshine pnutpatka hewi hsatkapanna piklopichane klu tshinanu hi hektupotu wanna amorreu-nerune.

Gênesis 18:20

Waneya Tsru Hixikatshriwa Hoyakalu wane pnute htshina: — Sodoma, Gomorra muhlenu sejire mixkowatatka. Hmixkowpotutatka rumtuknuna.

Gênesis 19:13

Klu tshinanu wnikatanru xye poktshi. Xye poktshi hajene hektunu sejire tsru potuko hapokyehitlu Tsru Hixikatshriwa Hoyakalu hiyáhoni hyokanatatkawu wnikaxyawakaplu xye poktshi.

Gênesis 38:7

Seyni Tsru Hixikatshriwa Hoyakalu hetanu hektutni Judá whene tsrujru Er tshinkaluru. Hiyáhoni Tsru Hixikatshriwa Hoyakalu hiylatanatkalu.

Gênesis 39:9

Hikeni wane pnute tsru hitakkaluru, hita tsonu hewi pantshiya. Ntowutjeru hike htshipexyano hewiya seyni pixa tsonu htshipexyano klu tshinanu pixa hhanunroyi. Hiyáhoni hanhe nixyawaka wane pa himtukalutu nkamhanu nektuwatanu Hoyakalu yehiya?

Gênesis 6:11

Hektuwaka tsonu hkamhajetna yine tshijiya Hoyakalu yhaleya hiyrunu muhlentshi tsonu tsepotlu tshiji.

Mateus 9:10

Waneya Jesus Levi-pji nijiniklunu, hixolune jijhawenruklerune, pimrin-koxa hektune Jesus hiyrunu rasrukleneyma tuplakanatatshine nikawakakwa yehi.

Mateus 9:13

Seyni hijha himatletanu hanu haluka tshinreta xye hima Hoyakalu piranaya: “Naluklu hetwamonrewlu. Hi henekachlu hiylatkaluru naluka.” Klu tshinanu hi nuna ntshanixyawakapna kihlerune seyni hektune ntshanixyawaka rehchinikanuxyawakapna.

João 9:24

Waneya mayhaletukananu htomhatnakna waneya wla htshinruna: — Hoyakalu tsonu himalwutanu klu tshinanu wimathetlu putskalakjeru ptshinreru hektuwaka kamhatshrikni wale.

João 9:31

Ha, wimatlu Hoyakalu hi repixna hektune. Seyni Hoyakalu homkahitatshri hanuruktako yineru hiyrunu ralujyawaka kamhatshri hanuruktako yineru repixa halikaka.

Romanos 1:27

Waneko pixka rixkakna jejine, suxone ruchotna wane rixjexyawakna seyni jejinekakluko het-sotankakjeta, jejinekakluko pnu hixkakjeta Hoyakalu mukchikhihlenutanutu hkamhana hiyáhoni hyoptotluna rapnokaxikolna rujhalerna rumtuknu tshinanna.

Hebreus 4:13

Hiketkani pa hixanu yohimatkaluru Hoyakalu hetanu. Ptowru potuko hiyakotkaluru hiphujetkaluru, muchyatkotni Hoyakalu yhaleya. Hoyakalu yehi wuphujexinwa hix-yinwu ptowruneka.

2 Pedro 2:10

Wanna mantshi halukanru homkahpotutatshine, hektutu halujikolu halukatshine, towuwlu heyikatshine potu rapnokatkonna. Tserutahchinikanuxikatshinwa wanna. Wannako hchinikanu tsonu haluka kamhaletatshinni. Hiyrun-koxa hi hpika hektuwaka tshinanwakletna pohirtshine.

Judas 1:7

Waneko pixka rixkanna Sodoma, Gomorra poktshi hajenni hiyrun-koxa wanestsi hwa poktshitatshinni, kapoklewaklerunni hiyrunu jejinekakluko het-sotankakatshinni, hsaletkanna tshitshmeroyma, xirnatshri hike rixiniko muwnakatuya. Rimathexikowakapa waneko pixka rixkona, wane pixkalutu kamhatshine.