Gênesis 13:10 - Bíblia

¹⁰ Waneya Ló heknojtata retlu Jordão wennemta tshiji. Wale tshiji kihlehlu honha (wanekni mnukawa Tsru Hixikatshriwa Hoyakalu hma nikatkonuklunuwa mitshi Sodoma, Gomorra poktshikaka) Tsru Hixikatshriwa Hoyakalu hitaklecha pixka rixa, Egito tshijne pixka rixatka hatatjewa Zoar poktshi yapamtatshri pixka rixa.

Gênesis 13:10 ပူးပေါင်းရင်းမြစ်များ

Gênesis 11:27

Xyeni Terá klopichane piranapni: Terá wuhenetlu Abrão, Naor, Harã. Waneya Harã wuhenetlu Ló.

Gênesis 13:11

Waneya Ló nuretlu walenu rixyawakapa Jordão wenne kihlemta tshijiwaka hiyáhoni tkatshi hichpajyawaka sreta hyatka Ló hiyáhoni rutspalkajyana wanna.

Gênesis 13:9

Hi he pixa stsikolu tshiji hitsrukakananu? Nanjityi putspalaxyawakapno; xawakni pnuretanu, pixa pasta sreta pyini, hita potuklu sreta nyanu seyni potuklu sreta pyini pixa waneya hita pasta sreta nyanu hita.

Gênesis 14:2

Hyahotkakna Bera, Sodoma poktshi pohire, Birsa, Gomorra poktshi, Sinabe, Admá poktshi pohire, Semeber, Zeboim poktshi pohire hiyrunu Belá poktshi pohire koxa (xyekni Zoar).

Gênesis 14:8

Hiyáhoni hyana Sodoma pohire, Gomorra pohire, Admá pohire, Zeboim pohire, Bel pohire (xyekni Zoar tshinikowaka) nyi halpokotatkalu hyahotkajyawakna wanna kihle tshijiwaka Sidim tshinikowaka.

Gênesis 3:6

Waneya suxo texinixkalu hahmuna, kihle sahkaka rixyawaka tshinanu pnikkolu tikahwaklu hiyrunu toyhale texyalu kihleru hahmunni tet-sotanutlu pnute timaxyawakhimapa. Hiyáhoni hisahi tkomlaka, tniklu, thanuru koxa tumluka, hnik-koxlu wale.

Gênesis 47:6

Egito tshijne psoluka nitshixyayi. Hiyáhoni tshiji kihlewak-potuko putakanru puru hiyrun-koxa pimolene wane putakanu wane rawyawakapna Gósen tshinikowaka tshiji. Hiyrun-koxa rawyinipa satkaka jmereru wale putakanu noprane hislahatshri towutatshri rixyawakapna.

Gênesis 6:2

Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko.