Gênesis 12:8 - Bíblia

⁸ Waneya wane riknohamta hipjitkaka yehi hyamta Betel tshinikowaka tkatshi hichpajyawaka sreta nwaka. Waneya wane rutakapjita nikalumta kamhikolu pji. Betel tshinikowaka tkatshi himxijyawaka sreta Ai tshinikowaka tkatshi hichpajyawaka sreta hanikajite hpanawaxya. Waneya wane altar hkamhiya Tsru Hixikatshriwa Hoyakalu rimalwuxyawaka tshinanu.

Gênesis 12:8 ပူးပေါင်းရင်းမြစ်များ

Gênesis 13:18

Waneya Abrão yokmakapjitatka, tsru hahmunkaka yehi Mamre tshinkaluru, Hebron poktshistsi tshinikowaka hyatka. Waneya satu altar hkamha Tsru Hixikatshriwa Hoyakalu tshinanu.

Gênesis 13:3

Abrão Nequebe ruchpajyatka hyamta pa poktshikaka rutukamta haté rapoklu mitshikananu nikalumta pji hpanaxyawakako rapokatnaka wane potuko hpanawaxyatnaka Betel tshinikowaka hiyrunu Ai poktshi tshinikowaka hanikajiteya.

Gênesis 13:4

Wane koxa mitshikananu altar hkamhiya Abrão; waneya wane potuko Abrão himalwutatkalu Hoyakalu.

Gênesis 21:33

Waneya Abraão satu tamargueira ptshe rutaklu Berseba tshinikowaka. Wanekni rapohchinikanuxyalu Tsru Hixikatshriwa Hoyakalu hike rixiniko mnikawnakatupa.

Gênesis 22:9

Rapojinixkaluna Hoyakalu tshinyawaklu yehi Abraão sotlu rapatjeta waneya ruhlepokotlu tshitshi wane hohoya. Waneya rostutatkalu hituru Isaque waneya tshitshi hoho rutaklu Isaque.

Gênesis 26:25

Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.

Gênesis 28:19

Rutakhiwakatlu wale poktshi, Betel htshinru. Mitshikananu Luz htshinka.

Gênesis 31:25

Labão hapkaplu Jacó himriji yehiya Gileade tshinikowaka. Wane rumajewakanaxya. Hiyáhoni Labão hiyrun-koxa hmaklutene wane koxa rumajewaxyana.

Gênesis 33:20

Waneya altar hkamhatka waneya. Hoyakalu Israel Hoyakalute rutakhiwakatlu.

Gênesis 35:3

Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.

Gênesis 35:7

Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.

Gênesis 4:26

Sete tshinkaluru koxa wuhenewata jejni. Hhiwakatlu Enos. Waneya waneklukawa yine yinuwaka hanjihohneyehretlu Tsru Hixikatshriwa Hoyakalu hiwakaya.

Gênesis 8:20

Waneya Noé kamhalu satu henekachalu renejikowaka Tsru Hixikatshriwa Hoyakalu; waneya raniklu nikalu nikkaluru, kamejirun-koxa nikkaluru waneya reneklu henekachalu yoxikkaluru henekachalu henejikowaka hohoya.

Atos 2:21

Waneya katukta hanjitanru Tsru Hixikatshriwa hepixyawaklu riwekkakko.”

1 Coríntios 1:2

nyonatlo twu yonawahlo hixa Hoyakalu homkahitatshine hapatjetatshinhi, Corinto poktshi hajenhi nwaka. Hixa ptowrunekhi Cristo-ymalunhi hixa halixle tshinanu, Hoyakalu kotspalatanune nuretkalunhi. Hiyrun-koxa twu yonawahlo yonatka pimrine ptowruneka psoluchako hapatjexikatshine Wutsrukate Jesus Cristo hapohchinikanutatshine tshinanu. Jesus Cristo wanna Hitsrukatni hiyrun-koxa hixa Corinto poktshi hajenhi Hitsrukatni.

Hebreus 11:9

Halixlu tshinanu runkaklexikolu tshijne rawjeta Abraão, hma metjejexyawakanu tshijne rawjeta. Pantshi nikalumta kamhikolupjikaka rawjeta Abraão, Isaque hiyrunu Jacó-yma. Wale tshijne yoptotatshinepa Abraão-yma Hoyakalu hinkajya pirana tshinanna.