Gênesis 12:7 - Bíblia

⁷ Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 12:7 ပူးပေါင်းရင်းမြစ်များ

Gênesis 12:8

Waneya wane riknohamta hipjitkaka yehi hyamta Betel tshinikowaka tkatshi hichpajyawaka sreta nwaka. Waneya wane rutakapjita nikalumta kamhikolu pji. Betel tshinikowaka tkatshi himxijyawaka sreta Ai tshinikowaka tkatshi hichpajyawaka sreta hanikajite hpanawaxya. Waneya wane altar hkamhiya Tsru Hixikatshriwa Hoyakalu rimalwuxyawaka tshinanu.

Gênesis 13:15

Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 13:17

Ppalnanu pixa, xye tshiji psajrukanu rowuknu htsernu koxa klu tshinanu nenekanyi.

Gênesis 13:18

Waneya Abrão yokmakapjitatka, tsru hahmunkaka yehi Mamre tshinkaluru, Hebron poktshistsi tshinikowaka hyatka. Waneya satu altar hkamha Tsru Hixikatshriwa Hoyakalu tshinanu.

Gênesis 13:4

Wane koxa mitshikananu altar hkamhiya Abrão; waneya wane potuko Abrão himalwutatkalu Hoyakalu.

Gênesis 15:18

Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 17:3

Waneya Abrão yoptsojitamtatka tshij-hoho waneya Hoyakalu wan-tshinru:

Gênesis 17:8

Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.

Gênesis 18:1

Tsru Hixikatshriwa Hoyakalu hakanhayehitlu Abraão tsru hahmunakakastsi Manre tshinkaluru. Abraão tenda nikalumta kamhikolupji swa htuplahamerekanata.

Gênesis 22:9

Rapojinixkaluna Hoyakalu tshinyawaklu yehi Abraão sotlu rapatjeta waneya ruhlepokotlu tshitshi wane hohoya. Waneya rostutatkalu hituru Isaque waneya tshitshi hoho rutaklu Isaque.

Gênesis 24:7

Tsru Hixikatshriwa Hoyakalu, tenhohne hajeru nurni pji nuchpakakjixjeru hiyrun-koxa nmatuxyawak-tshijne nuchpakakjixjeru, hiynumatatkano hiyrun-koxa runkakno, wla htshinatkano: “Xye tshijne nenekanna piklopichane rumutujyawakapluna.” Walekni yokanatanru htowreru tenhohne hajeru pma muchpakkanuklunuwa pixa. Hiyáhoni waneko pwapinro sato suxo hhanunroxyawakapa noturu.

Gênesis 26:25

Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.

Gênesis 26:3

Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:4

Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.

Gênesis 32:30

Waneya wale poktshi rutakhiwakata Jacó. Peniel hhiwakatlu klu tshinanu wla htshinatka nethojitlu Hoyakalu seyni hi nupnatka.

Gênesis 33:20

Waneya altar hkamhatka waneya. Hoyakalu Israel Hoyakalute rutakhiwakatlu.

Gênesis 35:12

Hiyrun-koxa tshiji nenejyatkalu Abraão, Isaque, pixa nenekanru hiyrun-koxa pixa piklopichanepa pixa hatjini hakanhatshinepa nenekanru tshiji.”

Gênesis 35:7

Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.

Gênesis 50:24

Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.

Gênesis 8:20

Waneya Noé kamhalu satu henekachalu renejikowaka Tsru Hixikatshriwa Hoyakalu; waneya raniklu nikalu nikkaluru, kamejirun-koxa nikkaluru waneya reneklu henekachalu yoxikkaluru henekachalu henejikowaka hohoya.

Atos 7:5

Seyni Hoyakalu hi psojikna xye tshiji reneklu Abraão waneklu papko hi pa kochtsheklu jixikna renekniri. Seyni Hoyakalu hinkaklexyalu xye tshiji psoluka renejyawakaplu Abraão hiyrunu Abraão klopichanepa. Hoyakalu xye pirana runkaklexyalu Abraão hi kwuhenewalu Abraão.

Romanos 9:8

Hiyáhoni hi ptowru Abraão-ni klopichane Hoyakalu whenene hixnawa. Seyni Hoyakalu whenen-potuko wannakni wanna ptowruneka Hoyakalu whenenepa Hoyakalu Abraão-ni hinkaklexinritka.

Gálatas 3:16

Hoyakalu hinkakle pirana, Abraão hiyrunu Abraão klopichane tshinanu runkakletlu Hoyakalu. Halikaka tokantshi yonatkaluru wan-tshina hi hiklopichane tshinanni htshina, hi hixolune hkochtsheka seyni hiklopicha htshina satupka hkochtsheka. Piklopicha tshinanni htshina. Waleni Cristo.

Gálatas 4:28

Seyni hixa, Cristo tshinanu nmoletanune, Isaque pixka hixa. Hoyakalu whenenetkahi Hoyakalu hinkakle tshinanu Isaque pixka.

Hebreus 11:13

Nyi yinni ptowrunnika halixatshinni htshinikowaknina pirana metkanniko, hipnanatka. Seyni halikaka howuka tsonu rexyatkaluna runkaklexikolumkana mitshi. Rimathetluna halikaka pirana rixyawakatka, hmunanhatkaluna htshinikowakna pirana. Ruphujexnawana xye tshijne hajeru hma mixyawakanutkana seyni pa nerunekotkani. Hewi tshijne rawachakanatkalukonina.

Hebreus 11:8

Kajnaklu mitshi Abraão, Hoyakalu towuxinri pa tshijne nwaka hyiywakapa, pa hohnepa wale tshijne renejikolupa. Ralixle tshinanu, wane hyatka hma metanutu tshijne nwaka.