Gênesis 12:5 - Bíblia

⁵ Abrão hanikna waleyma hyiywakna hhanunro Sarai, Ló repuru whene, hiyrunu ptowru rejnunkate rimwanru hiyrun-koxa ptowru rayinetene Harã tshijne rukchijinine ranikamta. Hyanna Canaã tshiji nwaka. Waneya rapokna.

Gênesis 12:5 ပူးပေါင်းရင်းမြစ်များ

Gênesis 10:19

Waneya cananeu-nerune hmahatshijnemxyawaka htshijnetna Sidom, Gerar hyatshijnetna haté Gaza, Sodoma hyatshijnetna, Gomorra, Admá, Zeboim koxa hyatshijnetna haté Lasa.

Gênesis 11:27

Xyeni Terá klopichane piranapni: Terá wuhenetlu Abrão, Naor, Harã. Waneya Harã wuhenetlu Ló.

Gênesis 11:31

Waneya Terá haniklu hiwhene Abrão. Ranikkoxlu Harã whene Ló tshinkaluru. Ló Terá tshinkaluru whene whene; Terá mekanunroni Sarai tshinkaluro ranika, hiwhene Abrão hnunro. Waneya wannayma hyana Ur tshinikowaka Caldone tshijne ruchpajyana, Canaã tshijne hyiywakna. Harã tshinikowaka rapokna waneya wane potuko rutukna.

Gênesis 13:5

Ló himotsatlu Abrão wale koxa kapra hiprane híxona, wakane koxa híxona hiyrunu pantshi nikalumta kamhikolu hi heppika rimwa.

Gênesis 13:6

Hiyáhoni campo swa hi hpoyahotna wanna ptowruneka wane rawyawakna klu tshinanu rimwalerna hixpotuko waneya hi hpoyahotna rimwakajyawakna.

Gênesis 14:14

Waneya hyijnakoxinixka Abrão hituru himole whene hkachixikowakatka, htomhana trezentos e dezoito jejine walestsi matuxikatshine, nyiyma romkahitna Ló kachimtatshine haté Dã tshinikowaka.

Gênesis 14:21

Waneya wane htshinru Abrão Sodoma poktshi pohire: — Penekanno xako nayinetene seyni pixa himutukanru ptowruka rejnunkatna.

Gênesis 28:10

Waneya Jacó Berseba hichpajya, Harã hyamta.

Gênesis 36:6

Waneya Esaú hanikatkana hhanunrone, hiwhenene jejine ranikatka, hiwhenene ranikatka, ptowruneka rimwalene ranikatka, hiprane boi-ne ranikatka, hiprane ptowruneka ranikatka hiyrun-koxa rejnunkate ptowruka rukchikleru Canaã tshijneya ranikatka. Pa tshijne nwaka, howuk-tshijne nwaka hyatka Jacó mwiywakanu tshijne nwaka.

Atos 7:4

Hiyáhoni Abraão hichpajyalu htshijne Caldeia, Harã poktshi rapoka. Waneya rupninixka Abraão hirni Hoyakalu hanikatkalu Abraão hewi tshijne hixa wwiywakatka xawakni.