Gênesis 12:3 - Bíblia

³ Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 12:3 ပူးပေါင်းရင်းမြစ်များ

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Gênesis 18:19

Klu tshinanu nnuretlu wale hiwhenene ruykoxyawaka hiyrun-koxa nuretlu walepji hajene hinatshripa ruykoxyawakapa Tsru Hixikatshriwa Hoyakalu hatnu hapote romkahixyawakapna, potukalune hiyrunu himata yanatshine htshinkona. Wane hixkalunepni Tsru Hixikatshriwa Hoyakalu himukata hakanhakakletlu ptowru pirana potuko htshinakanaxyawaklu Abraão.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 24:35

Tsru Hixikatshriwa Hoyakalu hepixpotutatkalu nutsrukate ntowutjeru. Tsru phuru rixkaklu. Pratshine carneiro-ne hixolune reneklu hiyrun-koxa pratshine boi-ne hix-potuko reneklu. Prata, ouro reneklu, towretshine suxone, towretshine jejine reneklu, camelo-ne reneklu, jumento-ne reneklu.

Gênesis 25:11

Rali hipnaletanatka Abraão-ni Hoyakalu kihlewaka htshinru Isaque, Abraão-ni whene. Isaque Beer-Laai-Roi tshinikowakastsi hwatka.

Gênesis 26:29

Ptshinanwu hi pumtukkakanwu, wma yotnexyawakanyi pixka. Hike wixatkayi seyni kihleru tsonu wixatkayi hiyrun-kox-mitshi wyokanatatkayi kihle hwachale pixyawakapa. Pix-honukla Tsru Hixikatshriwa Hoyakalu hepixleryi.

Gênesis 26:4

Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.

Gênesis 27:29

Pepixko yineya hiyrun-koxa tshijnekaka hajene yoptsojityehitanyi. Pimolene ptowutanu, rapokanna punro whenene, hyoptsojiyehitanyina. Hiylatkalurupni ptowru yineru pkamnitjerupa seyni ptowru neruka pepixjerupa repixko.”

Gênesis 28:14

Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.

Gênesis 30:27

Seyni Labão wla tshinru: — Hitshi, nanjityi kihleru paluka hixlexinipno hi pyanutka klu tshinanu netlu hanu rixa hepixletno Tsru Hixikatshriwa Hoyakalu pixa tshinanu.

Gênesis 30:30

Klu tshinanu nmapokkanuklunuwa hi hixo pra pixapa seyni xawakni pixolewapratatka hiyrun-koxa Tsru Hixikatshriwa Hoyakalu hepixatkayi napokyehixyawakyi tshinanu. Hiyáhoni hikluhe hitanuko nukchikanutka nopji hajene hepixatshripa?

Gênesis 39:5

Waneya José Potifar-pji psoluka rinotatka. Hiyahokni Tsru Hixikatshriwa Hoyakalu hepixlu Egito-nerupji Tsru Hixikatshriwa Hoyakalu hamoxyawaklu José tshinanu. Ptowruka Potifar himwaleru repixka pantshi hajeru, campo hajer-koxa.

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Lucas 24:27

Waneya hyinuwaka hinkakletna Hoyakalu tokanu yonatkaluru pirana, Moisés yonreru hiyrun-koxa Hoyakalu tokanu hinkakletatshine yonrekananuko runkakna wane htshinakanaxyawakna waleko hipirana.

Romanos 4:11

Wane wkatanutka hjiprojhakjixnatkawa Abraão ralixle hiphujetatshrini wale. Hiyáhoni Hoyakalu hiphujetlu, Hoyakalu potukatatkalu Abraão ralixle tshinanu tsonu seyni hi hiptojimta tshinanni. Hiyáhoni Abraão rurutna wanna ptowru neruka Hoyakalu potukatanune ralixlena tshinanu yáholu hi hjiprojhakjixnawana.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

Gálatas 3:16

Hoyakalu hinkakle pirana, Abraão hiyrunu Abraão klopichane tshinanu runkakletlu Hoyakalu. Halikaka tokantshi yonatkaluru wan-tshina hi hiklopichane tshinanni htshina, hi hixolune hkochtsheka seyni hiklopicha htshina satupka hkochtsheka. Piklopicha tshinanni htshina. Waleni Cristo.

Gálatas 3:28

Satupkahi Cristo Jesus-yma. Hi judeu-nhi hi judeu mixkanhi. Hi towrertshiko hi hichotkaluruko. Hi jejineko hi suxoneko.

Gálatas 3:8

Hoyakalu tokanu yonatkaluru hinkakletahnaputlu judeu mixkane halixlu tshinanu hpowratkona Hoyakaluya. Hiyáhoni hma makanhaknuklunuwa kihle piranalu potuko hiwekkaklewatatshri pirana yonatkaluru wan-tshinanwakatlu Abraão: “Pixa tshinanu Hoyakalu hihlewahchinikanyehitna ptowru tshijne hajeneko.”

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Colossenses 3:11

Hiyáhoni xawakni hi kakojerune hkahwakkatka ho judeu mixkane, ho judeu-ne, ho mjiprojhikanwa, hi jiprojhikatshriwa, ho pa tokanu yanumaxikatshriko, ho kajituko, ho towrertshiko, ho mtowutkotuko. Klu tshinanu ptowrukni Cristo-nu hiyrunu Cristo-kni ptowruko.

Apocalipse 7:9

Waneya wane wkatanu netatnaklu, netna yine hixolun-potu, mpoyaho hitakyahokletkone. Wannani ptowru tshijne hichpajikatshine, ptowru neruko, kakoje neruru hiyrunu ptowru nrutshi. Pohirtshi tuplawaklestsi hiyrunu Carneiro Whene tshinkalurustsi hyopkakakanatna. Mkatshri hopowalu klatalu makatatshine. Kasureru ranikamtna himyoyna.