Gênesis 11:9 - Bíblia

⁹ Wale tshinanu tenopjiru rutakhiwakatka Babel tshinikowaka klu tshinanu wane honra Tsru Hixikatshriwa Hoyakalu yokmakanruxyana psol-tshijneka hajene hiyáhoni waneko rupalaxyana psoltshijiko hyiywakpatkanna.

Gênesis 11:9 ပူးပေါင်းရင်းမြစ်များ

Gênesis 10:10

Ninrode pohirewaxyawaka mitshikananu poktshikaka xye: Babel, Ereque, Acade, Calné. Sinear tshinikowaka tshijne hwatshine nyi poktshikaka.

Gênesis 10:20

Nyikatkani Cão whenene: pa tskehikaka rixana wanna, hinrukaka koxna wane rixna, htshijnekaka hwatshinepni wanna nerkaka koxa.

Gênesis 10:25

Héber wuhenetna hepi hiwhenene: satu hiwakni Pelegue klu tshinanu wale hiwejinri papkolu tshiji kanipretka; himole hiwakni Joctã.

Gênesis 10:5

Nyi yine mar powha wnalu rupalaxyana, pa neru tshijne rixna wanna hiyrunu pa nerkaka, satkaka neru rixinwa waleko hinru yanumaxikatshri.

Atos 17:26

Hyinuwajikolu Hoyakalu kamhalu satu jeji. Waleko ruchpajyatka ptowru nerkaka xye psol-tshijne rawyawakna. Klu tshinanu Hoyakaluko henekpapkolutna riwejyawakna hiyrunu renekna rawyawakna.

1 Coríntios 14:23

Satu yapkaklu, Cristo halixatshine hapatjetatshine ptowruneka hapatjexini wannapka waneya ptowruneka pa nru pejnu hyinuwaka yanumlexinipna. Waneya hjihlojinipna herone ho malixkane hi he jipukalerune rikahwakkona?