Gênesis 1:26 - Bíblia

²⁶ Hiyrun-koxa wane htshina Hoyakalu: — Xawakni yineru wkamhanu, wyáholu wkamhinru hixa pixka rixanu. Yineru towutanro chima, kamejiru koxa, ptowruka pantshi hajeru, ptowru hixatshri hocha hajeru, ptowru hixatshri yosrolotatshri, mtserutu, tsrur-koxa, ptowru hixatshri htowutanu psoltshijyako.

Gênesis 1:26 ပူးပေါင်းရင်းမြစ်များ

Gênesis 11:7

Wuya, wserpikanu wyokmakanrutanna hma mimatjemkajyawakanupna satkaka.

Gênesis 2:19

Waneya rali kamhalexinixkalu tshiji ptowruka campo hajeru, ptowruka kamejiru teno hajeru, ranikna nikalune Adão nwaka, rexyawakapna kna hiwaka htshinanna. Ptowruneka nikalune Adão hitakhiwakata hiyáhoni wale hiwakakotkani.

Gênesis 3:22

Waneya wane htshina Tsru Hixikatshriwa Hoyakalu: — Jeji hiprotakatka hixa pixka rixyawakpatka, xawakni rimathexyawakpatkalu kihleru, hektutu. Adão, Eva rimaletatka hma yosurukamyoxyawakanpatnaka hiyrun-koxa hma komlajyawakanpatnaklu hahmuna hiwejikaluru heneklewatatshri tshinkaluru sahi, hma nijyawakanuplu, hiweklu phuta hikeklu hohne mnikawnakatupa heneklewatatshri.

Gênesis 5:1

Xye papewomta yonha Adão klopicha piranyehni. Hoyakalu yinuwaka kamhalexinixkalu jeji piranakni xye. Hoyakalu waleko yáholu hkamhiylu.

Gênesis 9:6

Katukta yineru ruylata yine hiylatanru hiylalewatatshri. Wane rixko klu tshinanu Hoyakalu kamhatkana yine waleko hyáholu potuko hkamhiyna.

João 14:23

Waneya Jesus wla tshinru: — Yineru hita nuchinikjeru, ntokanu koxa romkahitanu. Hiyrun-koxa Nuru Hoyakalu hamotanru wale. Wale yehi wyanu. Wale yehi wwanutka.

João 5:17

Seyni Jesus wla tshinna: — Nuru haté xawakni hkamrurewata. Hiyrun-koxa hit-koxa kamrurewjeta.

Atos 17:20

Xye punkakle herotutkani hixaya. Waluk-himatjemletlu.

Atos 17:26

Hyinuwajikolu Hoyakalu kamhalu satu jeji. Waleko ruchpajyatka ptowru nerkaka xye psol-tshijne rawyawakna. Klu tshinanu Hoyakaluko henekpapkolutna riwejyawakna hiyrunu renekna rawyawakna.

1 Coríntios 11:7

Jeji hi rujhalu ruchyaljiwu klu tshinanu Hoyakalu yaholukni wale hiyrun-koxa Hoyakalu hpoyahnuta. Seyni suxo jeji tpoyahnuta.

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

Efésios 4:24

Herotu yineru hitajinwa, xye herotu yineru Hoyakalu yáholutkani. Rekhitka satu hiwejikaluru halikakalutu potukalu hiyrunu Hoyakalu halukanruko rekhitka.

Colossenses 1:15

Hoyakalu metkotu ruphujewnakakatka Cristo-ya. Cristo mitshikananu wuhenetkaluru ptowru hiyakotkaluru pnute.

Colossenses 3:10

Herotu hitajinixkawa. Waleni chinikantshi herotexikolu. Rerotetjetlu wihchinikanu haté Hoyakalu wuyakotjeru hchinikanu psoluka wapkapanu.

Tiago 3:7

Ptowru hixatshri nikalu hocha hajeru, kamejirune, himnune, mar powha hajerune himukata puratkota hiyrunu puratkalurutkani yineya.

Tiago 3:9

Winruyma wimalwutlu Hoyakalu, Wuru honukla. Wanepnawaka winruyma wkamakpiratna yine, Hoyakalu yáholu potuko hiyakoxikalune.

1 João 5:7

Klu tshinanu mapna hiphujtatatshine tenhohneya, Wuru Hoyakalu, Hoyakalu tokanu hiyrunu Hoyakalu Hiwejikaluru. Nyi mapamkana seyni satupkalu.