Gênesis 1:21 - Bíblia

²¹ Waneya Hoyakalu kamhalu tsrur-potuko honha hajeru, ptowru hixatshri honha hajeru hiyrunu wale klopichapakni, ptowru hixatshri kamejiru hiyrunu wale klopichapakni. Waneya Hoyakalu hetlu hikamtutkalu.

Gênesis 1:21 ပူးပေါင်းရင်းမြစ်များ

Gênesis 1:18

hyokanaxyawakaplu hohi, hoyetshno koxa, hkotspalaxyawakaplu hohi, hoyetshno. Waneya Hoyakalu hetlu hikamtutkalu.

Gênesis 1:20

Waneya wane htshina Hoyakalu: — Ptowru hixatshri honha hajeru tsepotanru honha hiyrunu tenhohne ptowru hixatshri kamejirune tsepotanu.

Gênesis 1:22

Waneya Hoyakalu kihlewaka htshinanwakatna wane htshinna: — Honha hwatshri hwuhenewatanu htsepoxyawakaplu honha, kamejirune hixolewniywakap-koxa.

Gênesis 1:25

Hiyáhoni Hoyakalu wane hix-kamhaletlu ptowru hixatshri kmatsyiru hocha hajeru, ptowru hixatshri kammanruru, hiyrunu ptowru hixatshri yosrolotatshri mtserutu, tsrur-koxa satkaka waleko hinerupni. Waneya Hoyakalu hetlu kihle rixyawakatka ptowruka.

Gênesis 1:31

Waneya Hoyakalu hetlu ptowruka hkamhaleru, retlu ptowruka kihler-potuko. Waneya kayi, yetshpotukawa hiknohatka seis hohne rixinritkani.

Gênesis 2:19

Waneya rali kamhalexinixkalu tshiji ptowruka campo hajeru, ptowruka kamejiru teno hajeru, ranikna nikalune Adão nwaka, rexyawakapna kna hiwaka htshinanna. Ptowruneka nikalune Adão hitakhiwakata hiyáhoni wale hiwakakotkani.

Gênesis 6:20

Ptowru hixatshri kamejirune, ptowru hixatshri hocha hajerune, ptowru hixatshri kammanetkaluru, ptowru hixatshri tshij-hoho yosrolotatshri koxa. Satu nerkaka hepkaka ppokotanu satu jeji, sato suxo hma mupniywakanupna.

Gênesis 7:14

Wanna hiyrunu ptowru nikalu satkaka neru, ptowru hixatshri campo hajeru, wale nerkaka mkoje, ptowru hixatshri tshij-hoho yosrolotatshri wale nerkaka; ptowru hixatshri kamejiru nerkaka; ptowru kochitshin-koxa.

Gênesis 8:17

Hejnun-koxa pixaymalune, ptowru hixatshri nikkaluru, kamejirune koxa, campo hajene yosrolotatshri, ptowru hixatshri tshiji yapatshri, nyi pkochpakanutka tsro kanawatloya rixolewaxyawakapna tshij-hohoya, hmatuwhenetanna tshij-hohoya rixolewatanna.

Gênesis 8:19

Hiyrun-koxa ruchpakna tsro kanawatloya ptowru nikalu, ptowru tshij-hoho yosrolotatshri, ptowru kamejiru hiyrunu ptowru nikalu tshij-hoho yapatshri satkaka neru hichpakatka.

Gênesis 9:2

Ptowru nikalu pikanhi hixa, hixa hamlenu tshinanu, tshiji hajeru, kamejirune teno hajer-koxa; ptowruko tshij-hoho yapatshri, ptowru chima mar powha hwatshri koxa, hixa tenekko htowuxyawakaplo.

Gênesis 9:7

Seyni hwuhenewatanu, hixolewatanu; hipalatanu tshij-hohoya, htsepotanru tshiji.

Mateus 12:40

Jonas map-hohne, map-yetshno tsro chima nanwaka rawakanata hiyáhoni waneko pixka rixko Yineru Whene map-hohne, map-yetshno tshiji hitokote rawanu.