Gênesis 1:1 - Bíblia

¹ Hyinuwakle Hoyakalu hiyakotlu tenhohne, tshiji koxa.

Gênesis 1:1 ပူးပေါင်းရင်းမြစ်များ

Mateus 11:25

Waneya waneklu papko Jesus wan-tshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya.

Marcos 13:19

Klu tshinanu tshiji rawanu salewaktshi tsrupotpákolu. Hikeklu hohne wane pixkalutu salewaktshi rawapa xye tshijne yinuwajikolukananuko haté xawakni hiyrun-koxa wane pixkalutu salewaktshi hikeklu hohne hakanhanutnaka.

Atos 14:15

— Jejine, kluneru tshinanhe wan-hixa? Hix-koxa yinechawu hixa pixka wixa. Klunerukta hjema, hix-koxa jemlu. Hewi wapoka wunkaklexyawaklu kihler-potuko tokantshi hiwekkaklewatatshri pirana, xyekaka hmahijeru kamhaleta hiknokachaxyawaklu hiyáhoni Hoyakalu halikakalutu hiwekatshri homkahitanu, tenhohne, tshiji, mar powha kamhatshri hiyrunu ptowruka nyikaka hitokote hwatshri kamhatshri.

Atos 17:24

Psol-tshijneko hkamha haté ptowruka xye tshijne hajeru hkamha Hoyakalu. Tenhohne tshij-koxa Hitsrukatni wale. Hi rujhalu pantshi yine kamhaleru rawyawakapa.

Atos 4:24

Waneya Cristo halixatshine rali yijnakolexinixkana, wanna pa hchinikanurune rimalwutluna Hoyakalu, wane htshinruna: — Pixa Hoyakalu Ptowru Himukatatshriyi tenhohne hiyrun-koxa tshiji pkamha, mar powha koxa pkamha hiyrun-koxa ptowruka mar powha hitokote hwatshri, tenhohne hwatshri, tshiji hwatshri kamhatshriyi.

Romanos 11:36

Klu tshinanu ptowru potuko hkamhatka Hoyakalu. Ptowru potuko hakanha Hoyakalu tshinanu hiyrunu waleko htshinanu rawa ptowru potuko. Hiyáhoni himalwutkalurni Hoyakalu hikeklu hohne mnikawnakatupni. Amém.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

Efésios 3:9

Hiyrun-koxa renekno nimatjemkajyawakna ptowru neruka hanu potu rixa yohimakanatatshri pirana, Hoyakalu hixa hichinikanretlexyawakna pirana. Klu tshinanu Hoyakalu ptowru potuko hiyakotatshri ptowru papkokananuko mitshikananu hi ruphujetakanatlu xye pirana yohimakanatkaluru.

Hebreus 1:10

Hiyrun-koxa wla htshina: “Pixa, Tsru Hixikatshriwayi, hyinuwajikolu klu papko, puyakotlu tshiji, hiyrun-koxa tenhohne pkamha pixako pimyoyma.

Hebreus 1:2

Seyni xawakni xye hohnekakatka riynumsatwu Hiwhene tshinanuya. Hiyrun-koxa Hiwhene himukatle tshinanu tshiji hiyrunu tenhohne hajerkaka hkamha Hoyakalu. Hiwhene honukla rutaka ptowru potuka ruru himwaleru yoptotatshripa rixyawaka.

Hebreus 11:3

Halixlu tshinanu wimatlu ptowru tshijnekananuka hakanhatka, kihle poklu ptowruka, Hoyakalu tokanu tshinanu. Halixlu tshinan-koxa wimatlu hetkaluru ptowruka, metkotu hkamhika.

Hebreus 3:4

Klu tshinanu ptowru pantshi yine kamhaleru. Halikaka Hoyakalni ptowru potuko kamhatshri.

2 Pedro 3:5

Seyni hi rujha himatletluna mitshikawa Hoyakalu hiyakoleru tenhohne hiyrunu tshiji htokanu tsonu tshinanu. Psoji tshiji hitokha rutaka hiyrun-koxa psoji tshiji honha malekate rutaka, htokanu tshinanu tsonu.

1 João 1:1

Tokantshi hiweklu heneklewatatshri wyonanwakathi, xye tshijne yinuwajinikananuko hwatshri pirana. Xye tokantshi wyijnakotatka hiyrunu wetlu wiyhaleya. Wi potuko wexyalu, wutyaklu wimyoya.

Apocalipse 10:6

Waneya hkojiretna yine Hoyakalu hiwaka tshinanu. Hoyakalu honra hiwekatshri hikeklu hohne mnikawnakatupa, tenhohne, tshiji, mar powha hiyrunu ptowru potuko wane hajeru hiyakotatshrikni. Wla htshinatka Hoyakalu towreru tenhohne hajeru: — Hi hohamokaplu hnikawniywakapa hohi.

Apocalipse 14:7

Waneya hipokananu hyanumata, wla htshina: — Hkahwakpiratanru Hoyakalu, hiphujetanru royaknu himalwuruyma. Klu tshinanu rapnokatjixle papko hapokatka. Himalwutanru tenhohne, tshiji, mar powha hiyrunu honha hichpakhaxyawaka hiyakotatshri.

Apocalipse 21:6

Waneya wla htshinatkano: — Xye ptowruka halixatka. Hit-honra mitshikananu hajerno hiyrunu hapkatatatshri potuko hajerno, hyinuwajikol-potukno hiyrunu hmahaxyawak-potuko hajerno. Honunnahatewatatshripa nutahatanu. Honha hiweklu heneklewatatshri hichpakhaxikatshri hajer-ha nenekanru, henekachalur-potuko.

Apocalipse 22:13

Hitni mitshikananu hwatshrino hiyrunu hmahle potuko hwatshrino. Yinuwakatshrino hiyrunu hmahaxyawak-potuko hwatshrino, mitshikananu hwatshrino hiyrunu hmahle hwatshrino.

Apocalipse 3:14

— Xye pirana pyonanwakatanru hiwejikaluru Hoyakalu towreru tenhohne hajeru Cristo halixatshine hapatjetatshine Laodiceia poktshi hajene kosekatshri: “Xye pirana runkakhi Amém tshinkaluru, Hoyakalu pirana hiphujetatshri halikak-potu, mweyawakletu, Hoyakalu hiyakotanrukaka yinuwakatshri.

Apocalipse 4:11

— Tsru Hixikatshriwa Hoyakalu, pumukata yoptoletlu hoyaknutshi, kahwakpirlu hiyrunu hiyaklu klu tshinanu ptowru potuko hiyakotatshriyi. Pixako palujyawaka tshinanu rawa hiyrunu hiyakotkalurutkani.”