Gálatas 5:3 - Bíblia

³ Hiyrunu wane ntshinatnaka. Katuktako jiprojhakjixnawa rujhalu Moisés yonreru pirana psoluka romkahixyawaka.

Gálatas 5:3 ပူးပေါင်းရင်းမြစ်များ

Mateus 23:16

— Hapnokatkalunephi hixa mayhalenni kosekatshinephuthi! Klu tshinanu wla htshina hasruklewleta: “Satu yineru Hoyakalupji hiwaka hmunanhiniklunutka, hi rujha kamhaletatkalu htokanu htshinakanaxyawaka. Seyni satu yineru ouro Hoyakalupji hajeru hiwaka hmunanhiniklunutka, rujha kamhaletlu htshinyawaka.”

Mateus 23:18

Hiyrunu wla koxa htshina hasruklewleta: “Satu yineru altar hiwaka hmunanhiniklunutka, hi rujha kamhaletatkalu htokanu htshinakanaxyawaka. Seyni satu yineru henekachalu hmunanhiniklunutka, rujha kamhaletlu htshinyawaka.”

Lucas 16:28

Klu tshinanu kamolno cinco jejine. Pitshitanru Lázaro-ni wane hyiywakapa ruykoxyawakapna wanna hma munyawakanupna hewi salewnikowaka.”

Atos 15:1

Waneya pimrine jejine Judeia hichpajikatshine Antioquia poktshi hapoka. Wanna yinuwaka hasrukletna Cristo halixatshine wane htshinna: — Hma mustakakjixkanuklunru hiptojimta Moisés yokanatanru tshinyawaka hixa hi himukata hiwekkakletko.

Atos 2:40

Waneya Pedro hihle hinkakletna yine. Ruykotna, wane htshinna: — Hiwekkajikolupa hixa xye papko hiwekatshinetka hektutu kamhatshine tskalaya.

Atos 20:21

Nunkakna judeu-nerune judeu mixkane koxa rehchinikanuxyawakapna rektunu tshinanna hiyrunu nunkakna Hoyakalu ruchinikanrexyawakna hiyrunu Jesus Cristo Wutsrukate ralixyawakapna.

Romanos 2:25

Moisés yonreru pirana pomkahixini, pujhalu judeu jiprojhiynawakwa pixka pixyawaka hijhakalurni wale. Seyni yokanruru pmajnakowaxini, hi psojikna repixatkayi pjiprojhikolu.

Gálatas 3:10

Moisés yonreru pirana homkahlu munanhatshine wannakni Hoyakalu kamakatanunepa. Klu tshinanu wane htshina halikaka tokantshi yonatkaluru: “Ptowruneka katuktako hi homkahitlu ptowru potuko yonruru pirana hajeru, wanna Hoyakalu kamaklewle hwatshinni.”

Gálatas 5:2

Hyijnakpotutanno! Hita Paulo-no wan-tshinhi. Katukta jiprojhakjixinwa, hi psojikna repixiko Cristo tshinanuya.

Gálatas 5:6

Klu tshinanu Jesus Cristo hetanu hi jiprojhikatshrikwa himukatlu, hi mjiprojhikatukwa yineru himukatlu. Seyni halixlu hichiniklewluyma halikaka himukatatshri potukni.

Efésios 4:17

Hiyáhoni Wutsrukate Jesus hiwaka tshinanu wane ntshina hiykolethi: Hi malixkane pixka hixa hiwekletanu, klu tshinanu wanna mahijeru hichinikanuwleta.

1 Tessalonicenses 4:6

Hiyáhoni jeji suxoyma pirana wkochtshekleru tshinanu, hi xako himtukanru hmoletanru Cristo tshinanu klu pirana tshinanuktako. Klu tshinanu Tsru Hixikatshriwa Hoyakalu hapnokatanna xyekaka kamhatshinepa. Wtshinyawakatkahi mitshi, xawakni wane pnute wixa hiykoletatkahi.

1 João 4:14

Wetlu hiyrunu wuphujtatlu Wuru Hoyakalu yokanatlu Hiwhene xye tshijne hajene hiwekkaklewatatshri rixyawakapa.