Gálatas 4:3 - Bíblia

³ Waneko pixka wixa hix-koxa mturune pixka wixakanaxiniwa, xye hohne hajerkaka towutjekanatwu.

Gálatas 4:3 ပူးပေါင်းရင်းမြစ်များ

Mateus 11:28

— Runanwakatanno ptowru hamanu kamrurewletatshri tsru wunru hitjitatshri waneya hita hapnanukakanhi.

João 8:31

Waneya Jesus hiynumatna judeu-ne ralixjene, wla htshinna: — Ntokanu hpaklu homkahrexini waneya nasruklenepotpakhi halikaka.

Atos 15:10

Ha xawakni, haklu tshinanhe hyahotlu Hoyakalu judeu mixkane Cristo halixatshine hoho hitajyawaklu xye hinolu. Hi wutsrukatenniko himukata hakotletlu xye hinolu, hix-koxa hi hakotatkalu.

Romanos 7:14

Klu tshinanu wimatlu Moisés yonreru Hoyakalu runya seyni hitni xye tshiji hichpajikatshrino hektuntshi towreru nixapa.

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

2 Coríntios 11:20

Hix-hetko hikchikhihlenutlu satu yineru towutachaxyawakhi ho hkonhejnunkatechaxyawakhi ho hyokwijexyawakhi ho hi hkahwakpiratanhi ho rumpakhojixyawakaphi.

Gálatas 2:4

Seyni satkaka yineru Cristo tshinanu moletkakatshine hixachatatshine hixa tskala yokanatka. Runna potshkeruneko retapyawakapluna wmimalexikotu pirana Cristo Jesus-ya rumukata himaletlexyawakapwuna.

Gálatas 3:19

Hiyáhoni kluneru tshinanhe Moisés yonreru hitakka? Rutakka rimathexikowakapa hanu rixa hektuntshi. Moisés yonreru towutlewatanu haté rapokpotuxinipa Abraão klopicha hinkakletkaluru. Moisés yonreru henekka hiwejikalune Hoyakalu towrene tenhohne hajeneya. Satu jeji papohchinikanutkolumyo rutakka.

Gálatas 4:2

Mturu rixka pchinika, jinotaklerune hiyrun-koxa suslahaklerune towre rutakka haté rapokhohnexinipa ruru marca-hohnexyalu hyoptotanru hkaylerupa.

Gálatas 4:24

Xye yapkaklu piranni. Hepi kojiretlu piranni. Satu himriji Sinai tshinikowaka hichpajikatshrini, Agar tshinkaluro hyapkakleta. Towhenene koxa wala pixkako hixa towutletko.

Gálatas 4:25

Agar tshinkaluro yapkakletlu himriji Sinai tshinikowaka, Arábia tshijne hwatshri. Halikaka Jerusalém poktshi tyapkakleta Agar. Jerusalém poktshi towretshri Jerusalém hajene ptowruneymako.

Gálatas 4:31

Hiyáhoni, nmoletanune Cristo tshinanu, hi towretshro whenenwu hixa seyni mtowutkoto whenenwu hixa.

Gálatas 4:8

Seyni mitshikananu Hoyakalu hmimatyehitkanuklunuwa, hoyakalune minjene towutjekanathi.

Gálatas 4:9

Seyni xawakni hixa himathetatkalu Hoyakalu, halikak-potu Hoyakalu himathetatkahi hixa. Hanhe xawaka himukata satokanwakletanru xye hohne hajeru mahijerkaklewatatshri hike mkochpakkatu? Kluneru tshinanhe hixa hijhalu xyekaka towuxyawakhi hiyrunukotnaka?

Colossenses 2:20

Hiyáhoni Cristo-yma hipnatshine pixka hixinixka xye tshijne towutlewle tshinanuya. Klu tshinanhe xawaka xye tshijne hiwekakanaxini pixka hixa towutletkawa? Hiyáhoni klu tshinanhe homkahitawalu xyekaka hiykolukaka?

Colossenses 2:8

Xakoka hike yineru kachitanhi yine hchinikanucha hipiranachakaka yokwijrewatatshri pirana hike mkochpakkatu piranayma. Xye hasruklewlu xye tshijne hajene hchinikanuko ruchpajya hiyrunu kamtshine towre chinikantshi runya. Seyni hi Cristo runya wale pixkalutu hasruklewlu.

Hebreus 5:12

Klu tshinanu hix-hohnemka wimwatkahi, hiyáhoni hpoyaho hasruklewatatshine hixletamkatka. Wanepnawaka hijhalu pimrine hasrujyawakaphi Hoyakalu tokanu reyinuwakle pirana hiyrunukotnaka. Hix-yinhi hatatjewa mturunhi hi nikalhitu hakot-nikletatshine pixkalunhi seyni tnutsh-ha hijhatshine pixkalunhi.

Hebreus 7:16

Hi Moisés yonreru tshinanu, hi yineru halujyawaka tshinanu sacerdote rutakka seyni sacerdote rixinwa hiweklu mnikawnakatu himukatle tshinanu wan-rixa.