Gálatas 3:2 - Bíblia

² Xye pirana naluk-himatlexyahi. Hanu hixa yoptoletlu Hoyakalu Hiwejikaluru? Ho Moisés yonreru pirana homkahixikolu tshinanrahe ho halixlu pirana yijnaxikolu tshinanrahe halikaka?

Gálatas 3:2 ပူးပေါင်းရင်းမြစ်များ

Gálatas 3:14

Hoyakalu hihlewahchinikanyehixyawaklu Abraão pirana himukata hapokyehretna judeu mixkane yehi Jesus Cristo tshinanu wyoptoxyawakaplu Hoyakalu Hiwejikaluru runkakletleru halixlu tshinanu.

Atos 15:8

Hoyakalu, ptowru yineru hchinikanu himathetatshri, hekhitlu hyoptoxyawakatkana judeu mixkane klu tshinanu renekatkana Hoyakalu Hiwejikaluru hixa pixka.

Gálatas 3:5

Hoyakalu honra Hoyakalu Hiwejikaluru heneklewatatshri hiyrun-koxa himyekaklewatatshri kamhatshri hixa tskalaya wan-rixa Moisés yonreru pirana homkahixikolu tshinanrahe ho halixlu pirana yijnaxikolu tshinanrahe halikaka?

Hebreus 2:4

Waneya Hoyakalu poyehitatkalu hipirana wannani hiphujetleru, hekhirewlukakayma, tsru himyekaklewatatshriyma, hiyakolukakayma hiyrun-koxa Hoyakalu Hiwejikaluru pixkonu reneklewle waleko raluk-heneklewlexya pejnu.

Atos 8:15

Waneya rapojinixkana Pedro, João, ranjihohnetna Samaria hajene yoptoxyawakaplu Hoyakalu Hiwejikaluru.

Atos 2:38

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Hebreus 6:4

Klu tshinanu halixlu hiknokatshine hi rumukata hehchinikanretatnakna. Wannamka Hoyakalu hasrukle himrekahchinikankaklewatatshri himatatshinekananni. Hoyakalu henekachale, tenhohne hichpajikatshri yoptotatshinekananni hiyrun-koxa Hoyakalu Hiwejikaluru henekle yoptotatshinekanannimkani.

Romanos 1:17

Klu tshinanu Hoyakalu hekhixnawa potukalu rixyawaka yineru hiwekkaklewatatshri pirana tshinanu, hyinuwaklekananukawa haté wetpotutanhonuklu. Hiyáhoni wane ttshina yonawahlo potukalo: “Katukta Hoyakalu potukata, ralixle tshinanu riwekkakko.”

1 Pedro 1:12

Hoyakalu mitshi himatjemkakatkana, hi wannako tshinanupni xye pirana seyni hixa tshinanupni. Xyekaka pirana runkaklena hixa tshinanu, xawakni hinkakka kihle piranalu potuko hiwekkaklewatatshri pirana jinkakletakleruneya Hoyakalu Hiwejikaluru, tenhohne hichpajikatshri hepixleyma. Haté hiwejikalune Hoyakalu towrerune tenhohne hajene hijha himatletlu klunerni xyekaka pirana.

2 Coríntios 11:4

Klu tshinanu hixa kihle yoptole hixinri poyikowluyma hanu hixatshriktako satu yineruko Jesus pirana hinkakletatshri, hi Jesus piran-potuko wunkakletleru pirana munkakletkatuko. Hiyrun-koxa hyoptoxiniplu satuko hiwejikaluru, hiyrun-koxa satuko hiwekkaklewatatshri pirana pnuko hixatshri hi Hoyakalu Hiwejikalurni, hiyrun-koxa hi Cristo pirana, kihle piranalu potuko hiwekkaklewatatshri pirana wunkajyatkahi walekni halixpiranatanrutka.

1 Coríntios 9:21

Hiyáhoni judeu mixkane yiminno hi Moisés yonreru nkochtsheka niwejinri tshinanu. Wane nixa judeu mixkane nehchinikankajyawakapa. Himka Hoyakalu hiykole nmajnakowaxya klu tshinanu Cristo hiykole hwikatshrino.

Gálatas 3:3

Mahchinikanunrahe? Hixa Hoyakalu Hiwejikaluruya yinuwakatshinhi hkahwakhe xawakni hpotukatko hixa nanwaka tshinanu?

Hebreus 4:2

Klu tshinanu israel-neruni mitshi tokantshi hjemlerna pixkalutu, hix-koxa jemlu kihle piranalu potuko hiwekkaklewatatshri pirana. Seyni tokantshi wanna jemanru hi repixatkana klu tshinanu hi ralixluna tokantshi hjemlerna.