Gálatas 2:9 - Bíblia

⁹ Wale tshinanu Tiago, Pedro, João tshinkalune kosekatshine kahwakkalune, rimathexinrina xye nenejikolu nenekka Hoyakaluya. Rekhitwuna pa hchinikanurune rixyawakatkana hita hiyrunu Barnabé tshinkaluruyma. Rukchikhihlenutluna malixkane judeu mixkane yehi nunkaklewaxyawakapa hita, waneya judeu-ne yehi runkaklewaxyawakapna wanna.

Gálatas 2:9 ပူးပေါင်းရင်းမြစ်များ

Mateus 16:18

Hiyáhoni nunkakyi: Pixni Pedro-yi. Hita halixatshine xye sotlu hoho panawaxikatshinepni. Hiyrunu hipuktshi himukatle hi himukata halliretanru.

Lucas 22:8

Waneya Jesus yokanatna Pedro, João tshinkalune, wla htshinatkana: — Hajewa. Halpokotanru hixa tshinanupa Páscoa hohne nikle wnijyawakapa tshinanu.

João 1:42

Waneya André hanikatkalu himole Simão Jesus nwaka. Jesus hexiniklunru wla htshinru: — Phiwaka Simão, João tshinkaluru whene. Seyni xawakni pixa hiwakatka Cefas. (Yokakkalurutka waleni sotlu.)

Atos 12:17

Waneya Pedro hekhitna himyoyma potshke rixyawakna waneya runkakna hanu rixa kochpakletlu preso yehiya Tsru Hixikatshriwa Hoyakalu. Waneya wane htshina: — Xye pirana Tiago hinkakanu hiyrun-koxa wimolene Cristo halixatshine. Waneya wane ruchpajyatka pnuko hyatka.

Atos 15:13

Waneya rali yanumletatkana Tiago wan-tshina: — Nomolene, hyijnakotanno:

Atos 15:7

Repomsakakna waneya howukchini hpalnatka Pedro, wane htshinna: — Nomolene, hixa himatlu mitshikawa Hoyakalu nurexyano hixa tskalaya kihle piranalu potuko hiwekkaklewatatshri pirana nunkaklexyawakapna judeu mixkane wanna koxa himukata yijnakoletlu, ralixyawakapluna.

Atos 4:36

Hiyáhoni José, nuretkalune yokmakhiwakleru rutakhiwakatatkaluna, Barnabé. Waleni yokakkaluru hiykolewatatshri. José Levita, Chipre tshijne hichpajikatshrini.

Romanos 1:5

Hiyáhoni Jesus Cristo tshinanu Hoyakalu henekno xye hitakkaluru, hnurreru nixyawakatka, Cristo tshinanu, nalixkajyawakapna, kajnako nixkajyawakapna yine psol-tshijne hajeneko.

Romanos 12:3

Renekachale Hoyakalu hihlenu Hoyakalu henekachaxyano tshinanu, wla ntshina hixa satkakhi tshinanupa: Hi hkahwajinwa pimrine yohnik-hihlenhi hixyawaka. Seyni halixlewlu Hoyakalu henekachaleyma hyahoxinwa hanu hixatshinhi.

Romanos 15:15

Seyni twu yonawahlo phujewaka nutaklu satkaka pirana wane nixa hichinikkaklethi. Phujewaka nutaklu klu tshinanu Hoyakalu henekno xye kamrurtshi nepixyawakhi.

1 Coríntios 15:10

Seyni Hoyakalu hihlenu tshinanu, hitatkani hita. Hiyrun-koxa Hoyakalu hihlenu hi mahijerutatka hita tshinanu. Klu tshinanu nuretkalune kamrurewle pnute nixa kamrurewleta hita. Halikaka hi hit-potni seyni Hoyakalu hihlenu hitaymalutu kamrurewata.

2 Coríntios 11:5

Klu tshinanu hi nkahwajnawa wanna nuretkalune yokanatkalune tshinikatshinwa kayahoko hitakkalurno nixyawaka.

2 Coríntios 12:11

Mahchinikanutu pixka nixa seyni hixakni wan-hixkakno. Hixakmakni haluklu kihlewaka htshinanwakaxyawakno. Klu tshinanu yáholu mujhakotno hita seyni hi psojikna napkataxyana mitshikananu nuretkalune yokanaxikolune.

2 Coríntios 8:4

Ranjipotutwuna renekachalna wyoptoxyawaka rumukata hepixlewlexyawakapsona Hoyakalu kotspalatanune Judeia hajene tshinan-koxa.

Gálatas 1:16

Waneya hituru ruphujewnayehkakno, nunkaklexyawakaplu Cristo pirana judeu mixkaneya, hike yineru hchinikanu nujhatka.

Gálatas 1:18

Waneya wane pnute, mapa mhale hiknohinixka Jerusalém poktshi nyanwakata, Pedro nimaxinripa. Waneya quinze hohne Pedro yehi nwatka.

Gálatas 2:1

Waneya quatorze mhale hiknohinixka, Jerusalém nyatnaka, Barnabé tshinkaluruyma. Hiyrun-koxa Tito tshinkaluru nanikatka.

Gálatas 2:2

Wane nya klu tshinanu Hoyakalu hekhitno satu hiphujetlu wane nyiywakapa. Waneya wane nunkajyatkana kihle piranalu potuko hiwekkaklewatatshri pirana, honra nunkakletjetanru judeu mixkane yehiya. Seyni wanna kosekatshine tsonu nunkaka nkamrure nkamhakanatanru nma mahijeru kamrurewlexyawakanupa.

Gálatas 6:3

Klu tshinanu satu yineru hijhakaluru rikahwajinwa, maka hike, wale nanwaka yokwijexnawa.

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Colossenses 1:29

Wale tshinan-koxa nkamrurewpotuta, nyapretaklewata. Numukata kamhaletlu xye Cristo himukatle tsru potuko tshinanu nmixkotjeru.

1 Timóteo 3:15

Seyni hohamok-nixinipa, nyonanwakatanhi hixa het-yonhaxyawakaplu Hoyakalupji hajeru himata kosejyawakapa. Hoyakalupji, wannani yine Hoyakalu hiwekatshri hapatjetanune Cristo halixatshine. Halikak-potukananu tokantshi yoptowaka hwastsihitatshri, hwahohleru pixkalunni.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.

Apocalipse 3:12

“Hallirewatatshripa, Noyakalutepji stsihi nixkakanru. Hikeklu maleka ruchpakanutka. Wale hoho Noyakalute hiwaka nyonatanu hiyrunu Noyakalute poktshite hiwaka wale hoho nyonatanu. Wale poktshi Jerusalém poktshi herotetkalurupa tenhohne Noyakalut-yehi hichpajikatshripa. Hiyrun-koxa hitako nhiwaka herotu wale hoho nyonatanu.