Gálatas 2:2 - Bíblia

² Wane nya klu tshinanu Hoyakalu hekhitno satu hiphujetlu wane nyiywakapa. Waneya wane nunkajyatkana kihle piranalu potuko hiwekkaklewatatshri pirana, honra nunkakletjetanru judeu mixkane yehiya. Seyni wanna kosekatshine tsonu nunkaka nkamrure nkamhakanatanru nma mahijeru kamrurewlexyawakanupa.

Gálatas 2:2 ပူးပေါင်းရင်းမြစ်များ

Mateus 10:16

— Nyokanathi hatatjewa ovelha-nhi lobo-ne pixkalune hanikajite hyiywakapa. Hiyáhoni halpokohchinikanutanu himnune pixka seyni myokwirenephi motkokoji pixka.

Atos 15:12

Waneya potshketkana hixolune yine hapatjetatshine. Hyijnakotluna Paulo, Barnabé runkaklewaxyawakna ptowru hixatshri hetkalurkaka hiyrunu himyekaklewatatshrikaka Hoyakalu kamhiywakna judeu mixkane wannamyoya.

Atos 15:2

Seyni Paulo, Barnabé koxa hi hikchikhihlenutlu rasruklewaxyawakna hiyáhoni ruhjekakna repomsakakna. Hiyáhoni rutakluna Paulo, Barnabé hiyrunu pimrine tsrukakalune Jerusalém hyiywakapna riynumsaxikowakapna nuretkalune hiyrunu Cristo halixatshine hapatjetatshine kosekatshine xye hepomsalu tshinanu.

Atos 15:4

Waneya Jerusalém rapojinixkana, Cristo halixatshine hapatjetatshine yoptotna, nuretkalune yoptotna hiyrunu Cristo halixatshine kosekatshine koxa yoptotna. Wane pnute runkaklewatna ptowru pirana Hoyakalu kamrurewaxyawaka wanna tshinanu.

Atos 18:9

Waneya hoyetshno rixinixka Paulo Hoyakalu pixkonu tshinanu retlu satu hetkaluru. Tsru Hixikatshriwa Hoyakalu wan-tshinru: — Hi ppikanu! Seyni pnute pya hinkakletanna yine hi putuk-hinkakletanna yine.

Atos 23:11

Waneya wane pnut-yetshno Tsru Hixikatshriwa Hoyakalu hapoka, Paulo-stsi hyopkaka. Wane htshina: — Papohchinikanutanno! Jerusalém hajene yehi punkakletpiranyehixyano hiyáhoni wane potuko pixanutnaka Roma poktshiya.

Atos 5:34

Seyni satu fariseu-ne, Gamaliel hiwakatletatshri, yopkaka wanna hanikajite. Wale, hinanchitkaluru pirana hasruklewatatshrini, ptowru yineru kahwakpirpotutlu. Wale maleka hkochpakjixna nuretkalune pchini tsonu.

Romanos 9:16

Hiyáhoni Hoyakaluko nuretanru katukta raluk-hetwamonreta. Waneya Hoyakalu nuretanrupa hi yine kamrure hi yineru halujyawaka tshinanu.

1 Coríntios 1:23

Seyni hixa wunkakletjetlu Cristo cruz hitakkalurutka pirana. Xye piranak-koxa judeu-ne hitspekaka hiyrun-koxa judeu mixkane mahchinikannutshi pirana rikahwakluna hiwekkaklewatatshri pirana.

1 Coríntios 2:2

Klu tshinanu hike naluk-himatleta hixa tskalaya seyni Jesus Cristo piranapka, cruz rupniywaka piranapka nuchinikanreta.

1 Coríntios 9:24

Hixa himatlu hasuklu kamhatshine pirana. Hasuklu kayaxikatshri tsonu yoptotanru rumlujikolu. Wan-hixa hasuklepotutanu hyoptoxyawakaplu himlujikolu.

1 Coríntios 9:26

Halikaka hita wane nixa hasuklemta, npoyehitahchinikanuta hasuklu hichinixyawaka napojyawakapa. Hiyrun-koxa yahotkaklu pirana pixka nixa. Hi malechawaka hiylakatshri pixka nixa.

2 Coríntios 12:1

Wanepnawaka ntokanuwnanu yahmaklu hike hkochpakanu. Hiyáhoni xawakni nunkakletanru Tsru Hixikatshriwa Cristo hekhixyano nupnaleya hiyrun-koxa pimri hiphujetkaluru rekhixyano.

Gálatas 1:12

Hike yineru hinkakno wale pirana, hi satukna yineru hasrukno wale. Seyni Jesus Cristo potuko hiphujetpiranatlu hit-yehiya.

Gálatas 1:16

Waneya hituru ruphujewnayehkakno, nunkaklexyawakaplu Cristo pirana judeu mixkaneya, hike yineru hchinikanu nujhatka.

Gálatas 1:6

Nimyekpotuthonuka wan-hixa hicholehapkaxyawaklu hixa tshanixjeru, hetwamonru piranaya, Cristo tshinanuya, satu kihle piranalu potuko hiwekkaklewatatshri piranako homkahixyawakana.

Gálatas 2:6

Wanna kosekatshine kahwakkalune wane ntshina klu tshinanu hitaya hi hijhakalurni klu hixatshinekta hixakanata, Hoyakalu honra hi kahwakpiratlu yineru hixahoxyawaka. Wane ntshina hiyrunukotnaka wanna kosekatshine, hapatjehchinikanutatshine hike hchinikanu reneknona.

Gálatas 2:9

Wale tshinanu Tiago, Pedro, João tshinkalune kosekatshine kahwakkalune, rimathexinrina xye nenejikolu nenekka Hoyakaluya. Rekhitwuna pa hchinikanurune rixyawakatkana hita hiyrunu Barnabé tshinkaluruyma. Rukchikhihlenutluna malixkane judeu mixkane yehi nunkaklewaxyawakapa hita, waneya judeu-ne yehi runkaklewaxyawakapna wanna.

Gálatas 5:7

Kihle hixjekanata. Klu himaletatkahi halikaka pirana hma momkahixyawakanu?

Filipenses 2:16

Hiweklu pirana himretatshinephi waneyakni numukata halixkotletanhi Cristo hapojini hohnepa tshinanu. Klu tshinanu ruphujetanru nma mahijeru kamrurewlexyawakanpatka.

Filipenses 2:29

Hiyáhoni Tsru Hixikatshriwa Cristo tshinanu hyoptotanru tsru poyikowluyma. Xye jeji pixkalune hkahwakpiratanu.

1 Tessalonicenses 3:5

Hiyáhoni wale tshinanu nmakotahchinikanutkan-tshinanu Timóteo nyokananwakathi hixa halixle pirana nimatyehixyawakapa. Nimaxyawakaplu ho kamtshi kyahtalewakleru yahtaletatkahi xawaka ho wmahijeru kamrurewletatkahe hixa tshinanu.

2 Timóteo 4:7

Kihle yahotle nixa yahotlewletatka. Hasuklu hichinixyawaka pixkawaka napokatka. Halixlu nomkahitatka haté xawakni.

Hebreus 12:1

Hixa xye papko hiwekatshinetkawu wwiya hixolune potniko hiphujtatatshinni, wsajrukjenni. Hiyáhoni waluk-hicholetanru ptowruko hektuntshi hinolu pixkalutu wimaletjeru. Hiyrun-koxa ptowru hixatshri hektuntshi wkachpotutjeru werutanu honuka, waneya hasuklu kamhatshri pixka wixa hasuklemtanu mkojwakahchinikanuxikanepwu wasukachatanu xye hasuklu Hoyakalu henejyawu pixkalutu.