Filipenses 2:2 - Bíblia

² numuwle hpoyahokakanu, walerutu hchinikanu hixa hichinikanretleru hiyrunu walerutu hichiniklewlu himwatshinephi pa hchinikanurune hixini. Satupka chinikantshi himwatshinephi.

Filipenses 2:2 ပူးပေါင်းရင်းမြစ်များ

João 3:29

Yapkaklupa. Hnunrowatatshri yehi, waleni khanunrolu. Seyni hnunrowatatshri himatletjeru repixlu rimotsatlu hnunrowatatshri hiyrunu hyijnakotlu. Hiyrun-koxa hnunrowatatshri tokanu hjemini rumuwata. Hnunrowatatshri hepixatshri pixka nix-hita hiyáhoni numuwpotuthonuka hnunrowatatshri tshinanu.

Atos 1:14

Nyi yine ptowruneka pa hchinikanurune hi rucho hanjihohneretna, wannaymalune Jesus molene jejine, Jesus hinro, hiyrun-koxa pimrone suxone.

Atos 2:1

Rapojinixka Pentecostes hohne, wanna ptowruneka pa hruko rapatjekanaxyatkana.

Atos 2:46

Ptowru hohneruka Hoyakalupji rapatjexyana pa hchinikanurunni. Pimrinkaka papji pejnu nijya. Pa nikkalunni himuwatatshinni pixkakaklune hkahwajnawana.

Atos 5:12

Nuretkalune kamhalu hixo hetkalurkaka, himyekaklewatatshrikaka koxa yine tskalaya hiyrunu rapatjejetna Hoyakalupji psojite Salomão tshinikowaka.

Romanos 12:16

Pa hchinikanurunephi. Hi halixkoxinwa seyni haté malukkotu hitajinwa. Hi hkahwajinwa jimatkalerun-potuko hixyawaka.

1 Coríntios 1:10

Hiyáhoni Cristo tshinanu nmoletanune, nuykothi pa hchinikanerune htshintokanutanu. Hi hkotspalahchinikankakanu hixkakluko. Pa hchinikanurunephi ptowru potuyako. Pa halukkalunephi.

2 Coríntios 13:11

Hiyáhoni Cristo tshinanu nmoletanune, nunhahi. Hihlexinwa. Hyijnakotanru nuykole. Pa hchinikanurunephi. Kihle hwachalephi. Hoyakalu hixa ruchinijyawaka hiyrun-koxa ruhlehchinikanrewle hix-yehi hwanu.

2 Coríntios 2:3

Wale tshinanu wale pirana hapka nyonata waneya hix-yehi nyinipa, hi hwamonuwnakakanno seyni npoyikotjenephi. Klu tshinanu nmunanhahi xye piranaya. Numuwaxini hita, hix-koxa himuwatanu.

2 Coríntios 7:7

Hi Tito hapokle tshinanu tsonni seynikta hixa Tito hpoyikotahchinikanuxyawaka pirana tshinan-koxni. Runkakno hixa pirana. Hix-hima hichinikno. Hix-hima wamonuwata hita nopirana tshinanu haté hit-hima himatshwahpirata. Hiyáhoni xye pirana tshinanu xawakni pnut-potu numuwata.

Filipenses 1:4

Hiyrun-koxa ptowru katako nanjihohneyehixinhi numuwa hanjihohnerejeta,

Filipenses 2:16

Hiweklu pirana himretatshinephi waneyakni numukata halixkotletanhi Cristo hapojini hohnepa tshinanu. Klu tshinanu ruphujetanru nma mahijeru kamrurewlexyawakanpatka.

Filipenses 2:20

Klu tshinanu hewi hi rawa satu yineru hita pixka hixahchinikanutatshri seyni wale tsonni. Hixa ruslahyawakpotu ruchinikanretatka halikaka.

Filipenses 4:2

Nanjithi hixa Evódia, Síntique tshinkalone pa hchinikanuronephi Tsru Hixikatshriwa Cristo-ya.

Colossenses 2:5

Klu tshinanu yáholu hi wanetkano nomaneya seyni nohchinikanuya wane nwiya hix-yehi. Numuwleyma netlu hixa kihle pokolunhi hiyrun-koxa hixa halixle poyeh-potuko Cristo-ya.

2 Tessalonicenses 2:13

Seyni wumukata poyahnutletanru Hoyakalu hixa tshinanu Tsru Hixikatshriwa Hoyakalu hamotanune Cristo tshinanu wmoletanune tshinanu. Klu tshinanu hyinuwaklekananuko Hoyakalu nuretatkahi hiwekkajikolupa, Hoyakalu Hiwejikaluru powraxyawakhi tshinanni hiyrunu halikakalutu pirana halixyawaka tshinanni.

2 Timóteo 1:4

Nuchinikaktehaxinyi. Naluk-hetlepotutmakyi. Waneyamka numuwpotutanu.

Filemom 1:20

Cristo tshinanu nmoletanru, wane pixanno halikaka numuxyawakapyi Tsru Hixikatshriwa Jesus-ya. Nohchinikanu poyikowkakanu Tsru Hixikatshriwa Jesus-ya.

2 João 1:4

Npoyikowpotutatka njempiranyehixinixkana satkaka piwhenene homkahixyawaklu halikakalutu tokantshi htowutakanaxyawakwu Wuru Hoyakalu pixka.

3 João 1:4

Ptowru kata njempiranyehixinna nowhenene pixkalune tokantshi halikakalutu riyanyawakna, npoyikowpotuta.