Efésios 6:9 - Bíblia

⁹ Hixa ktowutaklerunhi waneko pixka hixanna hkamrurewkakjetanune. Hi hyanhakkakanna htowrene. Seyni hichinikanru xako hixa tsru hixikatshinwahi hiyrun-koxa hixa towrertshine hitsrukate satupkalu Hoyakalu tenhohne hajeru. Payakalunephi Hoyakaluyma.

Efésios 6:9 ပူးပေါင်းရင်းမြစ်များ

Mateus 22:10

— Hiyáhoni towrertshine poktshi hapo yoptowakkak-yehi hyatkana, rawapyawakapna rumukata hikchikletanune, kihlerune hiyrunu hektune koxa. Waneya tshanixkalune tsepotlu phurupji tsru nikawaka.

Mateus 22:8

Waneya phuru wla tshinna pimrine htowrene: “Nijittshi halixatka hnunrowlu tshinanu, klu tshinanu nyi rujhalna tshinanu hi htshanixkatkana.”

Mateus 24:48

Seyni towrertshi wla htshinahchinikanuxini rajiya: “Ha hohamokpotukananutkalu ntowutjeru.”

Mateus 24:51

Htowutjeru hapnokatpotutanru towrertshipni. Waneya tsru tshiyahlu hiyrunu haskiyhiru yehi ruknokkona Hoyakalu halixatshine hixachatatshineyma.

Mateus 7:12

— Hiyáhoni hanukta paluk-hixletko yine tshinanuya, waneko pixka pixanna wanna ptowru potuko tshinanu. Klu tshinanu walekni Moisés yonreru pirana hiyrun-koxa Hoyakalu tokanu hinkakletatshinni yonatkaluru pirana tshinyawaka potuko.

Lucas 6:31

Hanukta paluk-hixletko yine tshinanuya, waneko pixka pixanna wanna.

João 13:13

Hixa wan-tshinjetno, Kasruklewakleru ho Tsru Hixikatshriwa htshinno. Kihleru, wane potuko htshinno klu tshinanu halikakni, wan-hixatshrino.

Atos 10:34

Waneya Pedro yinuwaka yanumleta wane htshina: — Xawakni nimata Hoyakalu kahwaklu satkaka yineru pixkakaklu rixyawaka.

Romanos 2:11

Klu tshinanu Hoyakalu hike yineru hkahwakpirata.

1 Coríntios 1:2

nyonatlo twu yonawahlo hixa Hoyakalu homkahitatshine hapatjetatshinhi, Corinto poktshi hajenhi nwaka. Hixa ptowrunekhi Cristo-ymalunhi hixa halixle tshinanu, Hoyakalu kotspalatanune nuretkalunhi. Hiyrun-koxa twu yonawahlo yonatka pimrine ptowruneka psoluchako hapatjexikatshine Wutsrukate Jesus Cristo hapohchinikanutatshine tshinanu. Jesus Cristo wanna Hitsrukatni hiyrun-koxa hixa Corinto poktshi hajenhi Hitsrukatni.

1 Coríntios 7:22

Klu tshinanu towrertshicha htshanixka Tsru Hixikatshriwa Hoyakaluya hiyáhoni mtowretkotuko hiyrun-koxa Hoyakalunutkani. Waneko pixka rixa towrertshicha mixkatu htshanixkoklunutka Cristo towrerni wale.

Colossenses 3:25

Seyni hektutu kamhatshri yoptotanru hwenuxikolu hkamrure hektutu tshinanu. Klu tshinanu payakalunephi Hoyakaluya.

Colossenses 4:1

Hixa ktowutaklerunhi hihle hetletanna hkamrurewkakjetanune hiyrunu htshinyawak-potuko hixanna. Himatanu hix-koxa tenhohne rawyahi htowutjeru Wutsrukate Cristo.

Tiago 2:13

Klu tshinanu metwamonrene rapnokatkona metwamonutkonepni. Seyni hetwamonrewlu hitukkaklu hapnokatlewlu.

Tiago 2:8

Hkamhiniplu towutlu Hoyakalu pohirewaxyawaka towre waneya kihleru Hoyakalu halujyawaka homkahjeta. Klu tshinanu Hoyakalu tokanu yonatkaluru wla htshina: “Puchinikanru pimwastsireru pix-nanuko pixka.”

Tiago 5:4

Seyni hixa hkamrurewaxijene, hisanat-kaka kamrurewaxikatshine hi hwenuta seyni hwenuxikolumkapna htshowhuxyana. Hjemanru ruhjekakanna hma wenuxikowakanna tshinanu! Honantshi hamatshine saple hyijnakotatka Tsru Hixikatshriwa Hoyakalu ptowru potuko himukatatshri.