Efésios 5:9 - Bíblia

⁹ Klu tshinanu katal-hixlu ptowru hixatshri hihlentshi poyahokakleni, halikak-potu.

Efésios 5:9 ပူးပေါင်းရင်းမြစ်များ

Mateus 3:8

Hkamhanru xako kihleru himaxikowakapa hehchinikanutatka.

João 1:47

Waneya Jesus hexinri Natanael wale nwaka hinamta wla htshinanwakatlu: — Hetanru! Tujrapatkani jeji israel-neru halikakalutu. Waleni maylokletu.

Romanos 15:14

Nmoletanune walixle tshinanu, nimatlu hixa katseplu ptowru kihleruya hiyrunu katsepoyhi himatkalewlu hiyáhoni hixa himata hiykokaka hixkakluko.

Romanos 2:4

Ho peyikluhe xawaka Hoyakalu potshwanu, wale hchinikanu, hkahwakhohnekanaxyawakyi? Hi he puchiniklu Hoyakalu hihlenu kosejyawakyi pehchinikanuxyawakapa?

Efésios 4:15

Hi wan-hixahchinikanutanu seyni halikaka pirana wunkakletanu wekhixyawakapna wamotlene. Hiyáhoni wujhanru wtseruwna halixlexyawaka ptowru piranako Cristo tshinanuya. Cristo honukla jiwtshi. Walekni Cristo halixatshine hapatjetatshine kosekatshri.

Efésios 4:25

Hiyáhoni xawakni hi hweyawatanu. Seyni hixa satkaka hijhalu halikakalutu pirana hinkajyawakna Cristo tshinanu hmoletanune. Klu tshinanu hixa ptowrunekwu Cristo mane psojitenwu.

Efésios 6:14

Hiyáhoni xawakni chikpok-yopkaklerunephi. Halikakalutu pirana halixpotutanu wan-hixini hostuptshijitkalunhi pixka hixatshinetkahi. Potukalunephi hatatjewa statshi hislahatshri hitakastatka.

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.

Colossenses 3:18

Suxone yijnakotanna wannako hhanurna, Wutsrukate Cristo halujyawaka pixka.

1 Timóteo 6:11

Seyni pixa, jejyi, Hoyakalu homkahitatshriyi wale chinikantshikaka pasujini. Pomkahitanru poyahokaklewlu, Hoyakalu homkahlu potuko, halixlewlu pomkahitanu, hichiniklewlu koxa. Pomkahitanru Hoyakalu pkahwakhohnekanatanru hiyrun-koxa pmasaxinwa.

Hebreus 1:8

Seyni Hituru pirana wla htshina Hoyakalu: “Hoyakalu, ptuplawakle tskihi towuwle hwahohnekanatatshripni. Ppohirewnale towuwlu potukalni, wale ptowuwle himathexikolni.

Hebreus 11:33

Nyikaka halixle tshinanu pimrikaka tshijne pohirewaxyawaka yotkakka, Hoyakalu halujyawaka hkamhajekanatna hiyrunu Hoyakalu hinkaklexyana pirana hyoptotna halixlu tshinanu. Halixlu tshinanu ruchyanamatna mhenokane.

1 João 2:29

Hiyáhoni xawakni himaxini potukalu rixyawaka Cristo, himatan-koxlu ptowru yineruko Hoyakalu halujyawaka kamhatshri Hoyakalu matkakleru rixyawaka.

3 João 1:11

Nuchinikanune, hi hyimanru hektutu seyni kihleru hyimanu. Kihleru kamhatshri Hoyakalu hayinerutni seyni hektutu kamhatshri hi rimathetlu Hoyakalu.