Efésios 5:8 - Bíblia

⁸ Klu tshinanu hix-koxa mapchahawaka yapjekanata mitshikananu seyni xawakni Hoyakalunerune hixyawaka tshinanu katawaka hyaninixka. Hiyáhoni hiwekanu katawaka hiwejikatshine pixka.

Efésios 5:8 ပူးပေါင်းရင်းမြစ်များ

Mateus 3:8

Hkamhanru xako kihleru himaxikowakapa hehchinikanutatka.

Mateus 4:16

mapchahawaka hwatshine tsru katalu hetatshinhi; mapchahawaka hwatshine hipuktshi yehi pixkalutu hwatshinhi Hoyakalu hiwekkakle nikotyehitatkahi hohi himrekle pixka.”

Lucas 1:79

Hnikotyehitna mapchahawaka hwatshine, hipuktshistsi hwatshinena; rekhixyawakapwu hatnu hapo hapnanuhchinikankaklewatatshri hapo wyapyawakapa. (Seyokatkani Zacarias chikale.)

Lucas 16:8

— Waneya phuru hikchikhihlenutatkalu pantshi muhle hislahletkatu rimatkalnu tshinanu. Waneya Jesus wla tshina: — Yine, xye hohne hwatshine, yine katawaka hwatshine yohnik-jimatkalerunni xye tshiji hajeru piranaya.

João 1:9

Katalu halikakalutu waleni katalu xye tshijne hapokatshri ptowru yineru hchinikanu nikotatshri.

João 12:35

Waneya Jesus wla tshinna: — Pchinhohnejiji rawanu katalu hix-yehi hwatshri. Hiyáhoni katawaka hwaka pchinika hyananu, hma kayixyawakanupa. Klu tshinanu mapchahawaka yanikatshri hi himatlu hanu sreta hyamta.

João 12:36

Katalu hwaka pchinhi halixanru. Katalu hajene hixyawakapa. Jesus xyekaka pirana runkakleta waneya hyatka. Wanna yehi ramhiyatka.

João 12:46

Nuna katalu nixyawaka xye tshijne tshinanupa, mapchahawaka hma wyawakanupa nalixjeru.

João 8:12

Jesus pnute hya tshinretatnaka, wla htshinna fariseu-ne: — Hitni katalno xye tshijne hajene ptowruneka tshinanu. Hita homkahitatshri hi mapchahawaka yanatshripni seyni rawanu katalu hiweklu heneklewatatshri.

Atos 17:30

Mitshikawni yine hi himathetlu Hoyakalu hiyáhoni retachakanatna yine. Seyni xawakni Hoyakalu ptowru yineru hinkaka rehchinikanuxyawakapa.

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Romanos 1:21

Rimathetmakluna Hoyakalu seyni hi hkahwakpiratluna Hoyakalu, Hoyakalu rixkal-tshinanu hiyrunu hi hpoyahnutluna Hoyakalu. Hiyáhoni hike muchinikanretkanni raj-koxna mapchahayna.

Romanos 13:12

Hatatjewa hoyetshno nikawnapiratatka, hohi hi howukatka. Hiyáhoni wuknokanru mapchahawaka kamrure seyni wkochtshekanru wyahotkakapre katawaka wyahotkajyawakpatka.

Romanos 2:19

Pkahwajnawa mayhalene kosekatshriyi hiyrunu mapchahawaka hwatshine tshinanu, katalu pikahwajnawa pixa, judeu

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

2 Coríntios 6:14

Hi malixkaneyma hyananu. Hanhe xawaka rumukata pixkakaklu hixleta halikakalutu pirana weyawluyma? Hanhe xawaka rumukata pixkakaklu hixleta katalu, mapchahaluyma?

Gálatas 5:25

Hoyakalu Hiwejikaluru himukatle wiwejini, wujhalu Hoyakalu Hiwejikaluru halujyawaka koxa womkahixyawaka.

Efésios 2:2

Waneklu papko xye tshiji hixjexyawaka hektutu homkahjekanata, hixa halixjekanatlu tsru hitakkalune metkone hektune malehohnewaka hajene towutatshri. Walekatkani ptowruneka Hoyakalu malixkane towutatshri.

Efésios 4:18

Halikakalutu tokantshi hi rimatjemna. Hi rawyana hiwejikaluru Hoyakalu henejyamkana klu tshinanu mimatjemkan-potukni hiyrun-koxa hchikohajiwatna.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Efésios 6:12

Klu tshinanu wkamnitjene hi yinni kahiturune, hi kahrahalune seyni wkamnitjene wannakni kamtshine hmuhlenuymana xye psol-hohneko yapatshine hiyrunu tsrukakalune, tsru hitakkalune, malehohnewaka hwatshine tsru pixkontshiyma yine yokwijpiratatshine, kamtshi yokwijpiratwu towutlewpiratatshineya.

Colossenses 1:12

Hiyrun-koxa himalwutanru Wuru Hoyakalu wpoyahokakjeru wtsaklawkakjeru ptowru potuko ralpokleru rayinetene tshinanu Hoyakalu pohirewaxyawaka katawaka hwiywaka.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.