Efésios 5:5 - Bíblia

⁵ Klu tshinanu himatanru xye: hi satukna yineru kapoklewakleru, hi mpowratuko, hi ksotanuholuko — waleni mayawletshichako munanhatshri — hi satukna wanna yoptotanru rawyawakna Cristo pohirewaxyawaka, Hoyakalunu.

Efésios 5:5 ပူးပေါင်းရင်းမြစ်များ

Atos 20:32

Waneya xawakni Hoyakalu hislahlewle hiyrun-koxa Hoyakalu hihlenu hixa tshinanu pirana hislahlewle nutakanhi. Walekni himukata mixkowkaklethi htseruwahchinikanuxyawaka hiyrun-koxa renekanhi hyoptotanrupa Hoyakaluya ptowru yine potukaluneyma.

Atos 8:21

Pixa hi himukata hapaka hepixletwu xye kamrurtshiya klu tshinanu hi potuk-hajyi Hoyakalu hetanuya.

Gálatas 5:19

Wimatlu hixako wihchinikanu hichpajikatshrikaka. Wannani himopatlewlu, hapoklewlu, pitshotlewatatshri, hektutu kamhalu,

Gálatas 5:21

sotanuhonutshi, himri, tsru nikatshri, hiyrunu wane pixkalutkaka. Ntshinyawakatka mitshi pixka ntshinanukotnaka, wan-hixatshinenapa hi hyoptotanruna Hoyakalu pohirewaxyawaka.

Efésios 5:3

Hoyakalunerunhi hixyawaka tshinanu, hi hapoklewatanu hiyrun-koxa ptowru kaptsholu, hiyrun-koxa ptowruka het-sotanuhowlu hikeklu hohne hpohiwkakanhi.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

Colossenses 3:5

Hiyáhoni hkamakatanru mantshi het-sotanrerkaka xye tshijne hajeru, hapoklewlu, kapatmenuru, kapnoka makawleru, hektutu haluklu, hiyrunu sotanuhonutshi, walekni mayawletshicha munanhikolu.

1 Timóteo 6:10

Klu tshinanu tiyiro halujikolu waleni ptowru hixatshri hektutu yinuwakatshri. Pimrine tiyiro ramotlerna tshinanu halixlewlu pirana hpupjexyana. Hiyrun-koxa hixo katshinolu hkamhiynawana hyohloxnawana.

1 Timóteo 6:17

Xye tshijne hwatshine tsru ktiyiroterune wane ntshina hiykolethi. Hi halixkoxikatshinepwahi. Hiyrun-koxa hi tiyiro himat-nikawnatshri hmunanhanu. Seyni halikaka Hoyakalu ptowru potuko wumuwle wenekjeru wmunanhanu.

Hebreus 13:4

Ptowruneka hetanu hnunrowlu kihleruni, meyikotni. Hi hma hnunrotanuto, hi hma hnurutanutu hapokletanu. Klu tshinanu hektutu kamhatshine hiyrunu hapoklewatatshine rukolujinwana Hoyakalu hetanu.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.