Efésios 5:3 - Bíblia

³ Hoyakalunerunhi hixyawaka tshinanu, hi hapoklewatanu hiyrun-koxa ptowru kaptsholu, hiyrun-koxa ptowruka het-sotanuhowlu hikeklu hohne hpohiwkakanhi.

Efésios 5:3 ပူးပေါင်းရင်းမြစ်များ

Mateus 15:19

Klu tshinanu hihchinikanu hichpajikatshri hektutu chinikantshikaka, hiylalewlu, himopatlewlu, hapoklewlu, tshowhuwlu, yokwijrewlu, hiyrun-koxa hektuwaka htshinanwakaxyawaklu Hoyakalu.

Lucas 12:15

Waneya Jesus wla tshinna: — Yine, hislahinwa ptowruka ksotanuru pmet-sotanuxyawakanupa. Klu tshinanu hiweklu hi hejnu hihlenu tshinanu riwekanu yineru.

Lucas 16:14

Seyni fariseu-ne xye pirana jematshine heyiklu Jesus klu tshinanu ramotlona tiyiro.

Atos 15:20

Seyni halikaka wyonanwakatanna yonawahlo wan-tshinatshri: Hi hnikanru mayawletshicha henekkaluru nikalhitu, hi koxa hapoklewatanu, hi hnikanru hichrikaplaluru hituko, hi hihrahako hnikanu.

Atos 20:33

Hixa tskala nwaka pchinika hikeklu hohne net-sotanukanatlu satu tiyirote hi koxa net-sotanukanatlu satu mkalu.

Romanos 1:29

Katsepoyna ptowru muhlentshi, himtuklewatatshri, hektutuya, hahxalewluya, ruylalewleyna, tokantshiya, yokwirewluya, hma hchinikannuymana, hapatlewluya,

Romanos 16:2

Hyoptotanro twu wimole Wutsrukate Jesus tshinanu, wane potuko raluk-hixleta Hoyakalu kotspalatanune. Hepixanro xako psoluyako talukanru klu tshinanu hixo yine tepixatka wala hiyrunu hit-koxa tepixatka.

Romanos 6:13

Hiyrun-koxa hi henekanru himane psojite hektuntshi towuxyawaklu, muhlentshi kamhatshri rixyawaka. Seyni henejinwa Hoyakaluya hatatjewa hipnakanatatshine pixka hixa seyni xawakni hiwekatshinetkahi. Hiyáhoni himane psojite Hoyakalu henejinri kihleru kamhatshri rixyawakapa.

1 Coríntios 10:8

Hiyrun-koxa hi wapoklewatanu wannani satkakni pixka rapoklewatnina. Wale hkamhiywaka tshinannina vinte três mil yinni hipnana pa hohnepka tshinanu.

1 Coríntios 5:1

Xawakni ptowruneko pohitlu hapoklewlu pirana hix-yehiya. satu jeji hima ruru hnunroko rimwajeta. Wane pixkalutu hektutu haté malixkatu heyikpotutlu.

1 Coríntios 6:13

Satukotnaka wan-tshinanu: “Nikkaluru nosatu tshinanupa hiyrun-koxa sattshi tshinanu rawa nikkaluru.” Wanemka seyni Hoyakalu pa hohne nikatanru nosatu hiyrun-koxa nikkaluru. Wimane hi hapoklewlu tshinanni seyni wimane Hoyakalu yokanrerupni. Tsru Hixikatshriwa Hoyakalu wimane hyapa wale halukanru hkamhiywakapa.

1 Coríntios 6:18

Hasujinri hapoklewlu. Ptowru pimri hektuntshi yineru kamhanru wimane malekate hwatshrini. Seyni hapoklewatatshri waleko himaneko hmajnakowaxya.

2 Coríntios 12:21

Npiklu wane napojinpatnaka Noyakalute mturu hixkajyawakno hix-yehiya. Hiyrun-koxa pa katako nujhalu ntshiyahaxyawakapa hixolune hektuwaka kamhatshine mehchinikanutkanewa tshinanu, hektutu hkamhalerna tshinanu, rapoklewlena, hiyrun-koxa pimrikaka hma poyaho hicholetanutna tshinanu.

Efésios 5:12

Halikaka wunkaklexinri wanna kamrure hektutu hyohimpirrerna pirana hpatetjetanna.

Efésios 5:5

Klu tshinanu himatanru xye: hi satukna yineru kapoklewakleru, hi mpowratuko, hi ksotanuholuko — waleni mayawletshichako munanhatshri — hi satukna wanna yoptotanru rawyawakna Cristo pohirewaxyawaka, Hoyakalunu.

Filipenses 1:27

Hiyáhoni xawakni hixa hixjexyawaka hiwejinriya rujhalu kihle piranalu potuko hiwekkaklewatatshri pirana, Cristo pirana kamhakjixle pixka hixyawaka. Waneyakni netapiniphi ho nmetapkanuklunuphi waneya hixa pirana njeminipa poyehi halixle hixyawaka htshinikowaka pa halukalutu pa hchinikanurutu kihle piranalu potuko hiwekkaklewatatshri pirana halixlu yapretak-hepixletatshinephi.

Colossenses 3:5

Hiyáhoni hkamakatanru mantshi het-sotanrerkaka xye tshijne hajeru, hapoklewlu, kapatmenuru, kapnoka makawleru, hektutu haluklu, hiyrunu sotanuhonutshi, walekni mayawletshicha munanhikolu.

1 Tessalonicenses 4:3

Xyekni ralujyahi Hoyakalu, potukalune hixyawakapa, ptowru hapoklewluko kotspalaxikatshinwahi.

1 Tessalonicenses 4:7

Klu tshinanu Hoyakalu hi tshanixatkawu hektutu kapatmenuru wkamhiywaka tshinanu seyni kihleru, Hoyakalu halukanruko wkamhiywaka tshinanu halikaka.

1 Timóteo 2:10

Seyni kihler-kamrurtshiyma ruhlexinwana hijhakalurni suxone Hoyakalu homkahitatshrone htshinikolupna.

1 Timóteo 3:3

Hi katsholu jiraklerupni. Hi kyahotkakaklerupni seyni kchinikanurupni. Hi hihjekakatshripni, hi tiyiro herupni.

1 Timóteo 6:10

Klu tshinanu tiyiro halujikolu waleni ptowru hixatshri hektutu yinuwakatshri. Pimrine tiyiro ramotlerna tshinanu halixlewlu pirana hpupjexyana. Hiyrun-koxa hixo katshinolu hkamhiynawana hyohloxnawana.

2 Timóteo 3:2

Klu tshinanu wanepna yine wanna nanwaka tsonu halujikatshinwa, tiyiro halukatshine potu, tsru hikahwajikatshinwa, halixkoxikatshinwa, hike mkahwakpiratkane, tsrune majnakowyehitatshine, poyahnu mtshinkane, Hoyakalu malukkane,

Tito 1:11

Rujhaluna rutshrokkajikowakna klu tshinanu rumtukahchinikanutna yine pa pji pejnu hwatshine. Tokantshi mujhakotu rasrukjetna yine tiyiro hkayaxyawakapna tshinanu.

Tito 1:7

Klu tshinanu Cristo halixatshine hapatjetatshine kosekjeru haluklu hike mixkatu rixyawaka, Hoyakalu kamrure hepixatshripni wale, hi chiko hchinikanurupni, hi jihekanuwhapkatatshripni, hi katsholu jiraklerupni, hi kyahotkakaklerupni, hi tiyiro herupni.

Tito 2:3

Hiyrun-koxa pasrukanna tsrotsolejine potuka kamrure rixjexyawakna, Hoyakalu homkahitatshrone poyahokakatshine pixka. Hi jihyehjetatshinepni, hi katsholu jirakleronepni seyni kihle kamrure hasruklewatatshinepni suxone tsrotsolejine.

Hebreus 12:16

Hi rawanu kapoklewakleru. Hix-yehi hi rawanu Esaú pixkalutu, Hoyakalu hikchikhihlenreru pirana heyikatshri. Esaú honukla pa niklupka ripekotlu mitshikananu matutatshri rixle pirana.

1 Pedro 5:2

Hoyakalu carneiro-tene pixkalune hix-yehi hwatshine xako hohlutanu. Hinotanna wanna seyni hi mmerene pixkalunephi seyni halikaka jmererunephi. Hi tiyiro himtuklewatatshri hkayapiraxyawaka tshinanu hislahlewatanu seyni halikaka hijhanu hanu potu himukata hepixletna.

2 Pedro 2:10

Wanna mantshi halukanru homkahpotutatshine, hektutu halujikolu halukatshine, towuwlu heyikatshine potu rapnokatkonna. Tserutahchinikanuxikatshinwa wanna. Wannako hchinikanu tsonu haluka kamhaletatshinni. Hiyrun-koxa hi hpika hektuwaka tshinanwakletna pohirtshine.

2 Pedro 2:14

Himopatlewlu romkahitna hiyhaleymana ptowru papkoko. Hi rumukata hicholetluna hektuntshi. Mpoyehi hchinikanune rutsekna. Wanna tsonu repixikolna ruchinikanretna. Hektuntshi whenenni.

2 Pedro 2:3

Tokantshi yokwirewatatshriyma rujhaluna pa hixanu hkayaxyawakapna hixa tshinanuya, wanna tsonu hichinijnawakwa tshinanu. Hoyakalu mitshikawako ralpokotatkalu rapnokaxikolupna seyni xawakni rapnokaxikolna hi howukatka. Hiyrunu ramhiywakapna hi malpokotkatutkani.

Apocalipse 2:14

Wanepnawaka psotsonu nkahekhi klu tshinanu hixaymalune rawna Balaão hasrukle homkahitatshine. Wale honra mitshi hasrukatkalu Balaque tshinkaluru hmajnakowkakjixyawakna israel-nerune, klu tshinanu mayawletshichakaka nikluru henejikolu hnikjixatkana yine hiyrunu rasrukatkana rapoklewaxyawakapna.

Apocalipse 2:21

Pchini hohnejijimka neneklo tehchinikanuxyawakamkapa tapoklewaxinri seyni hi taluklu.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.

Apocalipse 9:21

Hiyrun-koxa hi rehchinikanyehitluna ruylalewlena, hi hkahontshiwlekna, hi rapoklewlekna, hi htshowhuwlekna rehchinikanuxyana.